Salvans

Ben, ce biel
chest sît di Sandri Di Suald
scuviert par vie di un post di Romanini.
I fruts a diventaran mats cuant che ju fasarai lâ. I stes personaçs viodût suntun libri o sul visôr a son une altre robe. E po chei chi a son propite belonons!
Ancje se o voi mate pai libris.

Il Nadâl...

...al è il nassi di Jesus continuementri dentri di nô, fint cuant che si visarìn di vêlu!
Mi à rivade cheste mail e mi è parude cussì biele che us le passi a ducj, cul permès di pre Nesto.

Bon Nadâl
Us auguri un bon Nadâl cu l'aiût di cheste nativitât che o ai fotografât
a Feagne te glesie di San Jacum, dongje dal altâr de Madone.
Mi à incuriosît il gjal che al cjante su la scjale dai secui, dal timp. Chi
il pitôr lu fâs cjantâ sul cricà dal Gnûf Testament, come che al cjante la
lûs sul cricà di ogni dì, sul so nassi par mieç di une zovine di non Marie
e dal so marît, che i voleve verementri ben.
San Pauli, te letare a chei di Rome al scrîf che lui al è stât sielzût da
Diu a predicjâ il Vanzeli che Jesus, fi di Marie, pa inluminazion vude dal Spirt di Diu, al à puartât a ducj nô, inluminazion che ven dal cîl suntune cjâr misare come la nestre.
O sin invidâts ducj a considerâ cheste realtât, parceche Diu nus ame in Jesus e in Marie, baste che i crodedin che sin soi fis e fradis di Jesus Crist.
Se cjalìn ben il cuadri, su la diestre al è un om, vistût a blanc, simbul de persone di judizi e di sapience, che, di front ae realtât de nassite di une creature da doi che si vuelin ben e de puare int disposte a spartî chel pôc che an cun lôr, al tire ju il cjapiel, segn di riverence, e, tirant ju il cjapiel, al mostre che il Nadâl lu à fat rifleti. Al è lui che al ricêf la iluminazion, lu rint blanc, pûr.
Al è il Nadâl che nus salve!
Ma la grandece dal Nadâl a si ripet simpri cuant che une Marie a parturìs une creature clamade dal amôr insieme dal so Josef; la so creature e je sante e ancje lôr a son sants, par vie de fede, che ju fâs vivi la grandece di un Nadâl che si ripet tal timp dai secui.
O lassi a voaltris di contemplâ cheste nativitât e dutis chês che i nestris
presepis, cu la inventive di ogni autôr, nus fasin viodi; e no si finirà mai di contâle dute, parvie che la realtât da contâ e vivi, e je imense.
Se nus comovin i pastôrs, che àn vude vonde pore a puartâ i lôr donos a une famee che veve in chel moment bisugne, e a van a dute gnot, par che no si nacuarzin i grancj dal timp che ju varèssin tassâts inmò di plui, cirìn di judâsi ancje nô, ancje se di scuindòn, tant il Signor al viôt ancje tal scûr, par un Nadâl di lûs.
Udin, Borc dai crotârs, 2008
pre Ernesto Bianco

Puare 'save!

lei chi
dal blog di Laura Pozzar.
Jo o ai pôre di jessi mieze cuete.
No par che no vedi cussience di ce che al sucêt,
ma parcè che no salti fûr.
Par esempli o ai viodût ator imagjinis che a banalizin il Nadâl e chest mi fâs mâl, tant mâl, ma o fâs faturone a dîlu. Puare mai me!

Pâs

Chest post al è il plui adat.

Bon Nadâl a ducj.

BALÂ

"Dutis chestis peraulis (nomenadis prime: fâ lis marculis, fâ lis marcoletis, scjaraçule, trepetâ.... n.d.r.) a dan la idee di une foghe, di une gjonde, di un smaneç che a samein ai salts, ai bai, aes pirulis, aes marculis, che a son i stes de furlane (danze, n.d.r.)... Lis plui antighis testemoneancis su la glesie di San Marc in Alessandrie a ricuardi l'ûs de danze sacre o liturgjiche dai estatics Terapeutis egjizians, ma a son ancje i bai dai Dervis e Davide che al bale biel che a traspuartin la arcje de aleance... in conclusion la furlane e podarès jessi una danze sacre di origjin ebraiche..."
O gjiavi chest toc di Pierluigi Visintin scrit sul "Friûl e furlans te historie de ma vie di Giacomo Casanova", parcè che la idee dal bal e de gjonde si lein benon cun chest particolâr moment dal àn (specie se nol plûf!).

Il Gno Signôr che al ven intal mont in ogni moment de nestre vite,
cence che si inacuarzìn,
cumò al torne a nassi e cheste nassite e je gjonde e pâs,
soredut se il puest par fâlu nassi al è dentri di nô.

Si prepare un puestut biel cjalt di amôr par cui che nus stâ dongje, blanc o neri, furlan o triestin,
e si soflii intor il gust che si à di vê vût in regâl la vite, e di jessi come che si è cun dutis lis mancjancis e cun dutis lis cualitâts.

E po si bale, de sere fin ae matine,
si bale come mats par dute la felicitât che e sglonfe il cûr
e che e scjampe fûr di corse
a marculis,
e no si pues tignî....

E il Signôr si sente dongje di nô a bevi e a mangjâ e nus invide a fâ

fieste e fieste e fieste

dute la vite...

Il Web

Nossere zirant sul nuie dai canâi, il gno om al à becât il gno mestri Giorgio Jannis intune trasmission di TeleFriuli. Si fevelave di ambients di discussion sul web doprâts dai zovins. Ducj a vevin la lôr part di reson: cui che al pandeve il pericul di un doprâ il computer in maniere esagjierade cence spirt critic, e cui che al mostrave lis pussibilitâts positivis di un cjatâsi cuant che si è distants, di un doprâ Face Book o altris ambients, par dâsi un apuntament, cence spindi masse di telefonadis, o par discuti di un argoment.
Chel che mi à dât un pelut di fastidi al è stât che, in particolâr un professor di talian, no si sedi in grât a scuele di insegnâ a chescj fruts cemût orientâsi in chest mont virtuâl
che si mangje la none cun dute Scufute Rosse (viôt in Cjargne ce che al è sucedût)
se un nol à imprescj mentâi par difindisi.
Si critiche Internet cu la voie di eliminâ la rêt
come che si fos podût eliminâ la stampe dai libris o lis conseguencis dal pensîr che la tiere no je intal mieç!
O sin simpri indaûr di secui nô adults! E cussì i zovins a àn di rangjâsi e al è cui che al rive e cui che nol rive.

Il Missus

In chest moment prime di Nadâl si cjante il Missus di sere in dutis lis glesiis dal Friûl.
E je une tradizion de glesie di Aquilee.
Mi plâs di murî (o soi propite furlane!).
E mi plâs cjantâlu cun dute la vôs. Sperìn di no jessi masse stonade!
Une volte però al jere plui biel, cuant che la glesie e jere plene e ducj a cjantavin insiemit...

Zovine o vecje

Ce vuelial dî jessi zovins?
Si è zovins cuant che si fâs une esperience gnove
o une strade gnove
parcè che no si àn riferiments
e magari si va a sbati...!
Da rest,
l'idee di aghe frede,
la pôre di un clap sot il pêl de aghe,
il pussibil fastidi de aghe intai voi,
a frenin
la voie di butâsi
e li
un
al è vecjo
a dutis lis etâts.
Ma nol cjape la pache intal cjâf!

Avilide

O soi un tic avilide a pensâ che dut chest lavôr di laboratori che o fâs al riscje di murî, al à buinis probabilitâts di murî. Cu la lenghe... joi la lenghe!
Al è dificilon cambiâ par tornâ li che si è partîts.
Bisugne che mi inventi alc.
Cul an gnûf.
Cumò no ai voie.
Cumò o spieti Nadâl,
cu lis zornadis che si slungjin.

Vinars...

...di sere intal oratori di Codroip e je stade fate une videoconference cun Giancarlo Tonut che, insieme cu la femine Graziella, al è in Costa d'Avorio par un an a regalâ il so timp par une opare dal Centro Volontario Internazionale. In Etiopie invecit al è Paolo Caneva.
Tancj a son i volontaris che a Codroip in chescj ultins agns a son lâts a lavorâ in Perù e in Bosnie par cualchi setemane. Par lôr, un Nadâl di pâs cul nestri graziis par chel che a fasin o che a àn fat.

tecnologjie

Par un curicul di tecnologjie pe scuele,
scomençant dal asilo fin ae mediane, si fevele in chest sît di Paolo Gallici che al à coordenât i lavôrs di preparazion par un grup di tutor.
Lis ativitâts par preparâ i curicui pes scuelis in fat di talian, matematiche, storie e gjeografie e tecnologjie a tacaran in dute la provincie dal mês di Fevrâr.
Cuant che si fevele di tecnologjie no si fevele di computer, ma di un discors trasversâl une vore impuartant che intes scuelis si fâs ancje benon. Cumò al è il câs di dâi une dignitât che no à di vê nuie di mancul rispiet a chês altris materiis integrantlis e fasintsi integrâ.

La domenie

Domenie sin stâts a Lignan a viodi ce che al veve fat il timp.
E il mâr al jere li,
nus spietave
cul so lâ e tornâ di ondis.
Lis montagnis insom(p)
e cualchi naturâl toc di len
butât sù de burascje.
Vêr!

Vuê o sin lâts a cirî la tumbare di Merêt di Tombe
intal mieç dai cjamps plens di pocis,
prin che dute cheste aghe e slachi dut.
E al ploveve
parsore di 4.000 agns di storie
e mi vignivin i sgrisui jù pe schene.

Tu sei speciale - sui regâi (3)

Pai fruts al rive, al scugne rivâ Gjesù Bambin che passant il timp al è deventât Babbo Natale. O ai let un libri propite biel che ur à ancje plasût une vore ai fruts che lu àn scoltât. Si trate di "Tu sei speciale" di Max Lucado. Al è fûr za di cualchi an.

Sui regâi (2)

Il timp al è un regâl bielon, che tantis voltis no pensìn di fâ parcè che o sin simpri di corse.
Ma il timp di scoltâ cui che nus fevele,
di judâ cjalant intai voi un che nus cîr,
di mostrâ une biele muse cence dutis lis preocupazions scritis in ogni plee de piel,
di ringraziâ par chel che a fasin par nô,
al vâl plui di un ogjet.
Jo tantis voltis no mi fermi parcè che la persone no mi è simpatiche,
parcè che o ai tantis robis pal cjâf,
parcè che invecit di scoltâ o ai voie di tabaiâ jo,
parcè che o ai simpri une soluzion di proponi, ancje se chel altri nol à bisugne di soluzions, ma dome che tu lu scoltis, che tu tasis un moment.
Ancje cui fruts e je cussì... pôc, simpri masse pôc il timp...
e lôr a àn un dintut che al clope,
un fradi pene nassût a cjase,
i gjenitôrs a vore,
mâl di panze,
chel dongje che ju tormente par sot.
E tantis voltis si dîs "Spiete un moment!"... ancje ai fiis!
Il moment al passe. E dopo o lin a cirî il regâl!
Chest mi soi sintude di scrivi e chest o ai scrit.

Sui regâi (1)

A son agns che o soi cuintri dai regâi.
Al è masse dificil ricevi un regâl. Magari chê robe li tu le âs za.
O pûr, no tu le âs, ma no ti interesse nancje di vêle.
O pûr, no tu le âs, ti interesse di vêle, ma no cussì!
Plui dificil ancjemò al è fâ un regâl savint chestis robis. Chel che al ricêf, come te, al à scuasit dut e chel che i covente, i covente secont un so gust e no secont il to.
A mi mi plasarès podê dî a cui che o ai di regalâ alc,
che o darai chei bêçs
a cualchidun che al è inte situazion di cui che nol à guscj,
ma dome dibisugnis...
Però, se un no le pense come te magari si ofint...
O soi cuintri dai regâi.

Archeologjie par furlan

Scuele par furlan nol vûl dî insegnâ furlan, ma doprâ il furlan par insegnâ... e cussì Ninine dopo vênus fat cjatâ lis rispuestis a lis domandis dai fruts sul so blog e je stade ancje a cjatânus (cun grande disponibilitât e vignarà cuatri voltis parcè che cuatri a son lis classis tiercis che a stan lavorant su Rovul). E rive intun sac ros o intune scjate, e i fruts a deventin mats! Naturalmentri a àn domandis su Rovul, ma ur interesse ancje di savê ce non che e à Ninine, trops agns che e à e se e je maridade! E a tentin di cjacarâ par furlan... parcè che Ninine no sa tant ben il talian, come me.
Un pôc no ti crodin, ma un tic ancje sì...

l'ort (2)... il gno.

Ort: tiere di lavorâ cun passion se un al à il timp par fâlu.
Se no: desideri di tiere, passion cence disvilup... pudiesis e lacais,
cagocis par sot,
sut e jerbatis,
patatis cul bûs,
furmiis tes fraulis,
gjespis tes rosis dai cocins,
bestiis di patatis tes melanzanis,
cudumars zâi.
E cocis, grandis bielis cocis zalis nassudis bessolis intal ledan...

L'art da la jeche (1)

Tantis voltis mi capite di programâ la partecipazion a un incuintri, di lâ a une mostre... po dopo al ultin moment, mi romp e o stoi a cjase dantmi de stupide a pene che al è masse tart par lâ.
Mi à sucedût cussì ancje nossere, ma par fortune mi cognòs, e stant che o jeri ancjemò a scuele e duncje "fûr" (di cjase, che di cjâf no covente dîlu!) o soi lade
ae presentazion dal libri di Stiefin Montel.
Il "Manuâl critic pal ort" scrit di un che si intint di tiere di cuant che al veve 20 agns, al à vût preseâts presentadôrs in Pierluigi Cappello, Enos Costantini agronim e Gian Paolo Gri antropolic de Universitât di Udin. La presentazion in une sidrere de Aziende Agrarie Universitarie Servadei.
O ai scuviert che par ort si intint un puest sierât e che purtrop cheste peraule intai antîcs documents e je dome cuant che si fevele di robariis. Da rest nol è, parcè che no si podeve paiâ l'afit cu lis jerbis, ma cun siale e forment. Lis jerbis no duravin, a lavin di mâl a part l'ai e la civole...

Signoraggio

Il signoraggio? O ben al è propite interessant lei chestis informazions. Mi plasdarès savê ce che a pensais... Al è ancje un sît che al fevele di chest argoment. No met il colegament tant al è facil.

Don Milani

Lait a Mortean doman di sere a 8 e trê cuarts intal Auditorium in Vicolo Campo Sportivo, parcè che al è un arlêf di Don Milani (dott.Edoardo Martinelli) che al presente la scuele di Barbiana.
Jo o soi stade usgnot e mi è plasût pensâ a cheste scuele che e je stade un model pe nestre scuele elementâr di cumò, li che si lavorave intai agns 60 par mapis concetuâls, ricercje-azion, aprendiment cooperatîf tignint cont dai interès dai fruts.
Une scuele cun plui figuris (Don Milani al clamave i gjenitôrs a contâ lis lôr esperiencis), une scuele li che si leieve il gjornâl e si fasevin i libris, al jere picjât il crocifis e Gandhi, si verificave la capacitât di lei, capî e comentâ l'articul di font di un gjornâl...

Us segnali

cheste mostre parcè che al mancje pôc timp e e merte

"Mostra fotografica e documentaria
1918 - L'orribile anno della vittoria."
Villa Manin di Passariano, 27 settembre - 30 novembre

ma cjalait il sît dal comun di Codroip parcè che al à tantis iniziativis.

domande informazions ancje a informagiovani@comune.codroipo.ud.it

cheste setemane: Password per l'Europa vinars 28 a 3 e a 6 doi incuintris par zovins, gjenitôrs e students...

Acents

Il biel al è che le vevi scjariade la tastiere furlane!
O ben, il problem al è discrosât par me e ancje pe Ninine e duncje graziononis a ducj pal jutori.

Al è biel vê amîs di rêt!

O SOI MASSE CONTENTE!!

HELP ACENTS

O ringrazi chei che a àn tentât di dâmi une man, ma jo no ai cap^it ben ce fâ.

Il problem no lu ai su Word che al funzione benon cun Ctrl + Shift, ^ e la vocâl.
Il problem lu ai cun Open Office li che o fâs Alt + il numar su la tastiere, ma la letare si sposte ( i cul ^ si sposte di un puest a çampe; e cul ^ si sposte di un puest a drete o adiriture al va inte rie sot! Dute une danze!...).
Il problem lu ai soredut in rêt: pueste eletroniche, blogs e s^it.
Chi il metodo di Word, nol funzione.
Alt + la cumbinazion sul tastierin dai numars al funzione pe â, pe ê e pe û. Invecite Alt + 140 par i cul ^ , e Alt + 147 pal o cul ^, mi siere la pagjine!!!!
Cussì par scrivi decent mi tocje bati suntune pagjine di Word e dopo copiâ e incolâ. Une roture!
Insome, come che a vês cap^it, no ai disberdeât la cuistion!
Chel che mi domandi: PARCE' LA TASTIERE NO SI COMPUARTIE SIMPRI INTE STESSE MANIERE?

Software libar

Di lei l'articul sul software libar dai Nuovi Abitanti. A scuele o vin Edubuntu (Linux) come sisteme operat^if (Judaitmi a risolvi chest probleme dai acents, che no pues plui!), e o doprìn il pachet OpenOffice. L'idee e je stade dal Dirigjent Donada e di Jannis. Int che e je indenant cu lis ideis su lis tecnologjiis...
Par me, intal laboratori cun 15 machinis e 400 fruts che a metin lis mans intune setemane, dut al funzione benon. Tant plui ben di cuant che o vevi Windows cui soi problems di virus e di ingjornaments. Cumò tu scjariis ogni tant l'ingjornament de r^et, cence stâ tant a mateâ.
Si scjariin z^ucs didatics de r^et cence nissune dificoltât e a gratis. Par elaborâ imagjinis si dopre Gimp e Tux Paint par disegnâ (e al è di sig^ur mi^or di Paint).
Da rest si lavore in r^et.
Cul tecnic o stoi cirint di meti sù Firefox par furlan, ma li al è cualchi problemut. I vul timp...

Muiniis rapidis

Lis dôs muiniis rapidis in Kenia a lavoravin par judâ cheste cualitât di int:

"La gente più povera, che è la maggioranza, patisce la fame cronica. Questi nostri amici non si tolgono mai la fame nel solo pasto di polenta e un po’ di fagioli, o un po' di ossa di carne o anche solo con un po' di olio come condimento. E non solo ora nella siccità ma fan la fame l'intero anno."

Cor

Chest zûc che al segnale il Mestri Berto mi fâs murî di ridi!
Parcè che o coli simpri! E cence fâmi mâl!

Poesie par furlan

Drenti di me al è un bosc...
Chest al è il gno bosc.

Finalmentri o ai rivât a meti in circul un percors su la poesie che o fâs ogni tant a scuele.

In Americhe

O cjati cheste traduzion par talian e no stoi a voltâle par furlan, ma e je masse biele cheste tecnologjie secont Obama che o cjati in Apogeonline. Us met il toc che al rivuarde la scuele plui di dongje:

Formare tutti i nostri bambini all’economia del 21° Secolo

• Fare dell’istruzione matematica e scientifica una priorità nazionale: Obama e Biden assumeranno insegnanti tra i laureati in matematica e scienze e appoggeranno gli sforzi per perfezionare la loro formazione con professionisti sul campo. Lavoreranno anche per garantire che tutti i bambini abbiano accesso a un valido piano di studi scientifico in tutti i livelli scolastici.
• Migliorare e rendere prioritarie le valutazioni scientifiche: le valutazioni scientifiche devono essere più che esami. Devono misurare le più avanzate capacità intellettive degli studenti, comprese deduzione, logica, analisi di dati, interpretazione, capacità di formulare domande e comunicazione. Barack Obama e Joe Biden lavoreranno con i governatori e gli educatori per assicurarsi che le valutazioni di Stato misurino queste capacità.
• Proporre soluzioni alla crisi degli emarginati: Obama e Biden proporranno soluzioni alla crisi degli emarginati approvando una legislazione che fornisca fondi ai distretti scolastici affinché investano in strategie di intervento nelle scuole medie – strategie quali piani accademici personalizzati, gruppi di insegnamento, coinvolgimento dei genitori, insegnamenti intensivi di lettura e matematica e tempo prolungato.
• 
  
• e ancje
• 
  
• Investire nella ricerca universitaria: Barack Obama e Joe Biden sostengono fermamente l’espansione delle iniziative di ricerca nei college e nelle università americane. Gli Stati Uniti hanno di fronte a loro una sfida nel sostenere i ricercatori più giovani. Obama e Biden procureranno nuove borse di studio per la ricerca ai più ragguardevoli giovani ricercatori della nazione.

Jo e me

O stoi leint i libris di Anthony De Mello. Bè no son une robute facile facile! Se dopo un al tente di meti in pratiche, alore e je dure...
Al è bielon xò pensâ che chel che a pensin chei altris di me, no lu pensin verementri di me, ma di une idee che si son fats di me. Ma jo o soi altri.
E duncje ce impuartance aie che une persone e pensi ben o mâl, che e disi ben o mâl di culchidun altri? Tant chel che e pense di chel altri a son ideis su lis ideis che al à di chel altri. E no je la realtât.

Pensant cussì si divente libars di jessi chel che si è. Tant un altri nol capirà mai!

Mi pâr di jessi stade clare intal spiegâ, no? eh!eh!

La Bobe

La Bobe dopo jessi stade dal vetrinari dute la gnot e je tornade sane come un pes. O soi tant contente ancje se chest scherç nus à costât 303 euros!!!!! E pensâ che e je tante int che e patìs la fam...

Par furlan

Al samee che ducj a fasìn alc par furlan però dopo lis robis no si cjatin.
O no son
o a son ben taponadis!
Consulte ancje il GOLD

A Spilimberc
Piccolo dizionario illustrato in tre lingue: italiano, carnico, timavese , però al è dome un toc.
La Eneide di Virgjili
Il Diari
lenghe furlane
a Tresesin scuele medie (ob. par furlan, culture par talian)
Scuelis di Sedean
il Tartagallo al varès di jessi un progjet tra plui scuelis... bo
Fruts biel titul par furlan, ma dentri...

Simpatic, propit simpatic

il Berlusc. Al fâs batudonis che a fasin ridi dut il mont. A part l'Italie serie. E nol è che e mancji la voie di ridi!
E je ancje vere che o sin deventâts ducj merecans intal z^ir di cualchi ore.
Sì, jo sì.
O soi disponibile a dai cualchi pussibilitât a che^ Americhe chi. Dopo magari ancje Obama al fasarà ce che al pues, ma mi plâs. E o soi contentone che al sedi neri e no "abbronzato".
Ce robonis!

INVELENADE

Cheste e je la ricercje disperade di fâ alc pe me^ Bobe invelenade!

Cheste e je une petizion cuintri i arlevaments di bestiis par fâ pelicis. A esistin ancje i capots e lis gjachis!

Cartografie

Interessant chest articul dai Nuovi Abitanti su la cartografie ancje inte nestre regjon.

OBAMA

Jessint ancjemò malade, o ai pod^ut partecipâ ae contentece merecane e dal mont pe elezion di Obama. Almancul lui al fevele di aumentâ la spese publiche pe scuele!

Chest om mi samee un puint tra Americhe e Afriche, tra cristians e musulmans, tra blancs e neris, tra puars e siors. O speri che al resti avonde par fâ dal ben.

Cheste imagjin mi è plasude, parcè che al samee che al prei e, cun chel casin che al è, al fasarès ben a preâ (no mi cambiarès cun lui, ma nancje...!)!

2 di Novembar

La vite e je une robe che o vin in afit par pôcs o par tancj agns e par solit le vivìn cul cjâf intal sac. Un bon obietîf inte vite al sarès chel di vivile savint di vivile.

Nol è cussì facil.

O disarès che al è dificil.

Cussì tant dificil che dut al finìs intun moment e dopo no si sa nancje dulà che si àn poiâts i ocjâi.

E la muart e fâs pôre. Baste meti intal sac ancje chê, par no vê pôre.

Ma chê prime o dopo e ven fûr e se no si è preparâts o crôt che e sedi dure!

Forsi e baste (!) dâi un significât ancje ae muart, planc planc, tignint denant dai voi la pussibilitât che e rivi di un moment a chel altri e clamâle “sûr” come Sant Francesc…

Dut câs, se e ves di capitâmi di murî (che nol è dit!), fasêt fieste e metêtsi vistîts di ducj i colôrs e cjantait cjançons legris e mangjait e bevêt parcè che, il prime no sai, ma il dopo al sarà une fieste e us invidi (restait chi, però, che al è ben fâ une fieste a la volte!)

Maestre d'Italia

Laura Pozzar e segnale chest articul "Maestre d'Italia..."
Bisugne che o disi che il rapuart di 3 mestris su 2 classis e je une robe finide bielzà di cualchi an. Almancul chi di noaltris. Cumò si fevele di 4 su 3 cu la mestre prevalente.
O ripuarti un tocut sui agns 80:
"Negli anni ’80 ci sarà pure stata la pressione dell’occupazione dei maestri (ma va ricordato che in quegli anni il rapporto medio di alunni per classe (fuori controllo) si elevò da 14 a 18 e che si realizzò un consistente aumento del tempo-scuola e dei servizi erogati alle famiglie. Ma a noi piace ricordare piuttosto le suggestioni del dibattito culturale di allora, le passioni suscitate dai programmi didattici (con impegnativi piani obbligatori di formazione in servizio), la ri-scoperta delle discipline e di una buona didattica nell’organizzare lo sviluppo progressivo della conoscenza.

Ce bielis robis! cumò no coventin. L'impuartant al è che la int e disi di sì. Par disi di sì baste menâ il cjâf sù e jù. No covente culture.

GRINGO

e sì il Gringo al merete!
e Cimabue!

Inte scuele elementâr...

...che primarie o fâs fature a clamâle, si insegne:
talian (6 oris)
matematiche (4 oris)
storie
gjegrafie
siencis
tecnologjie
tecnologjie de informazion e de comunicazion (cul computer)
inglês
musiche
gjinastiche
disen
religjon
furlan
e ancje
"star bene insieme" (no àn inventât cumò la educazion civiche, che si è simpri fate!)
educazion stradâl
cun mieze ore di ricreazion a matine, une ore tra mense e ricreazion. Par un totâl di trente oris. Noaltris o fasìn 33 oris su 5 zornadis. Sabide, cjase.

Chi in bande: il nestri zovin furlan che al salte!

GNOVE PROPUESTE: IL TOP DES PROPUESTIS

O ai fat il “sciopero” e la Gelmini mi à fat un striament cussì mi soi inmalade. Plene di tos, di fiere, di rafredôr, ma siorsì o ai fat “sciopero” d’istès. Inte mê scuele su 43 mestris, in 13 no lu àn fat e no dîs la rabie che mi fasin. Bon, e je vere che i fruts dopo misdì a rindin di mancul (e jo lu provi parcè che o ai ducj i dopomisdì - par sielte parcè che o pensi che al è miôr che a fasin talian e matematiche a matine). Però a rindin pôc e nuie ancje la ultime ore de matine cuant che a àn fam. E duncje ve ca la mê gnove propueste: fasìn scuele dome trê oris in dì cussì o sparagnìn e i fruts a van cjase che a san dut!
Cussì sul misdì a van a cjase ancje chei de mense. pense ce sparagnade!

Sperimentazion scolastiche

I mestris in epoche Gelmini a sperimenti gnûfs lavôrs.
Chi si viôt un precari che al insegne a une zovine mestre cemût cjapâ su blave.

La Odissee di Omêr

Par une come me che e va a durmî cu lis gjalinis, e che doman e à di lâ a cjapâ su blave a man (lavôr cence pietât che ti sporcje e ti taie), lâ fûr usgnot al è stât un sfuarç avonde titanic.

Ma o soi stade propite contente di sintî Sandri Carrozzo, che cu la sô simpatie al à presentât in Biblioteche a Codroip, la “Odissee di Omêr” voltade par furlan cun Pierluigi Visintin. La leture di Jacum, verementri di buine cualitât, e à mostrât cemût che la nestre lenghe si adate a dut. Bisugne disi che al dipent tanton ancje de bravure dai nestris autôrs!

E jo che no finìs mai di jessi mestre, nancje cuant che o duar (e al samee che cuant che un al duar nol fâsi mâl a dinissun… par solit!) o ai bielzà pensât di fâur viodi ai fruts di cuinte la straordenarietât di cheste notizie. Ancje parcè che dal sondaç che o stoi fasint a scuele il risultât di un furlan tabaiât scuasit nuie a Codroip al fâs vignî une sorte di aviliment… E sì che lu savevi ancje cence scandais…

Ma no vuei rovinâmi cheste biele serade cun chescj pensîrs cussì cumò o voi là che no va la grape.

Doman di sere a 8 e mieze simpri in biblioteche a Codroip serade in onôr di Gianni Gregoricchio

Lis ideis di Brunetta

La amie Paola S. mi zire cheste mail:

Da: "Segreteria ICL" <segreteria@istladin.net >

Data: 18 ottobre 2008 11:28:15 GMT+02:00

Cari Amici e Amiche,

il quotidiano locale “Il Trentino” riprende oggi una dichiarazione rilasciata dal Ministro Brunetta al settimanale Panorama, secondo il quale l’Istituto Culturale Ladino, che ho l’onore di presiedere, sarebbe “un ente inutile” destinato ad essere soppresso.

Non intendiamo spendere nemmeno una parola per difendere le ragioni dell’esistenza del nostro Istituto, e nemmeno per illustrare l’impegno profuso in questi decenni di lavoro. Chiediamo invece a tutti coloro che conoscono o hanno conosciuto in varie maniere l’opera svolta dall’Istituto in favore della cultura e della lingua ladina di esprimere il loro parere in merito.

Oltre ai fatti, dovranno essere i cittadini a parlare: i fassani, in primo luogo, i ladini delle Dolomiti, gli esponenti delle minoranze linguistiche del Trentino - Alto Adige e delle altre regioni italiane ed europee, le associazioni militanti, il mondo scolastico, le istituzioni locali e regionali, i comuni, le forze politiche e sociali a valutare se l’Istituto Culturale Ladino è davvero un ente inutile, e se quindi debba essere soppresso.

Attendiamo fiduciosi le Vostre opinioni e dichiarazioni, che provvederemo ad inoltrare per doverosa conoscenza alle autorità provinciali e nazionali.

Grazie per la Vostra disponibilità.

Per l’Istitut Cultural Ladin “majon di fascegn”

prof.ssa Mirella Florian

(Presidente)

Jo o soi cristiane

Jo o soi cristiane catoliche. O ai cheste bandiere.
No le ten parcè che i miei mi àn batiade o parcè che mi puartavin a messe.
Le ai pardabon di cualchi an. Di cuant che o ai tacât a informâmi, a lei lis vôs a favôr e cuintri. Di cuant che o ai tacât a cognossi.

Cognossi ce?
Cognossi la Scriture.
Une volte o scoltavi dome in glesie e no capivi nuie, parcè che e je complicade. Bisugne cognossi la storie dal popul ebraic par capî la storie antighe e ancje chê dai timps di Jesus.
Da rest se no si cognòs e no si capìs, cemût si fasie a disi di sì o di no?

Il gno piçul çurviel no mi permet di refudâ une tâl bandiere dome parcè che chei sot pal plui dal timp no son bogns di puartâle!

A mi mi interesse la bandiere, no chei che le puartin.

Cuale scuele?

Cumò no pues plui tasê e il discors al è lunc.
Si sta pôc a dî “scuele furlane”, si sta pôc a dî “scuele”. Ma cuale scuele? Une scuele scualificade

cun mestris che a insegnin di 10 – 15- 20 agns insegnant dome matematiche o dome talian e che a varan di scomençâ di zero inte materie che no àn mai insegnât,

cun mestris che no àn fat inglês nancje intes mediis e che cuntun corsut a varan di insegnâlu al puest di personis cun tant di lauree!

une scuele di 27 oris e i fruts dopo un dulà ju metie? Cussì al tornarà il doposcuola… a paiament cun personâl che al varà di fâ esperience e duncje tal imprin e sarà dure…

une scuele cence laboratoris, parcè che no saran oris di compresince e intes superiôrs cence laboratori intes scuelis tecnichis (robis di mats!)

a metaran adun scuelis cun mancul di cent fruts e chest al volarà dî che o varin 27 fruts par classe e duncje chei brâfs a laran indenant e chei che no rivin… altri che “programmi personalizzati”! Cence pensâ ai pais che a restin cence scuele.

Inte scuele in chescj agns a àn bielzà taiât e savêso dulà? Sui plui debui: sul sostegno. Mancul oris pai fruts segnalâts. Mancul oris di compresince – cussì no tu recuperis chei che a fasin fature.

E se fin cumò lis mestris che o cognòs jo a vignivin a scuele cu la fiere par no creâ confusion ai fruts e a lis coleghis, di cumò indenant si vignarà ancje cuant che si è cence vôs dal dut parcè che, se no, ti trategnin bêçs su la paie. Robis fûr di ogni gracie di Diu!

E alore?
Ce scuele furlane podarìno pretindi? Se fin cumò cun grande fature o vin cirût di convinci insegnants e gjenitôrs de bontât dal furlan, cuant che no saran oris nancje par respirâ figurìnsi il furlan ce fin che al fasarà.

Cuale gnove ise gnove in chest mont?

Chest mi domandi e no ai rispueste co dut al è bielzà dit e tornât a disi.
Cussì la vôs e mûr e il tasê al devente la plui biele gnove.

La mancjance no je volgâr.
Da rest chel che al è dit no simpri al rive a taponâ il vêr jessi, la sostance, cualchi volte plui fraide che sclete. O a mostrâle inte sô veretât plui sane.

Lis peraulis a disin e no disin. Lis tantis peraulis no disin. Se a son masse dopo trente seconts un al pense a alc altri.
Lis pocjis peraulis no disin dut. Ma dut ce... se dut al è stât dit?

E duncje miôr un san tasê.

Barcolana

O sin stâts a Triest a viodi la Barcolana.
Cheste e je la Alfa Romeo intal puart.

Sondaç

O vin fat partî un sondaç o scandai intes nestris scuelis par vê plui clare la situazion des lenghis feveladis intal teritori. A distance di timp al sarès ancje di ripeti par viodi la situazion e reste simpri compagne o se al cambie alc.

Webquest

O soi plui che sigure che chest WebQuest che mi segnale Zorç, mi podarès coventâ, ma mi mancje chel benedet di inglês. Al è dificil che o rivi a capî un lunc discors e cussì o soi taiade fûr. Ma nol è just e mi ribeli a cheste omologazion. Pussibil che no si cjatin robis interessantis in lenghe potabile?

Grant Dizionari

Lu saveis ma magari no.
La gnove version dal Grant Dizionari Bilengâl Talian Furlan, che si pues discjariâ sore nuie dal sît www.cfl2000.net (te version par Windows, Linux e Mac OS X Tiger)e ven presentade vu^e in maniere uficiâl a 5 e mieze sot sere, alì dal auditorium dal gnûf palaç de Regjon a Udin (vie Sabbadini).

Codroip

Domenie ai 12 di Otubar, prime domenie dal calendari di iniziativis pe sagre di San Simon, si scree la mostre "Il Tesoretto di Codroipo" al Museu Civic Archeologjic.

Curicul

Insegnants di scuele elementâr e mezane di dute le provincie si riunissin par capî ce che al è un curicul di scuele e cemût che al à di rispuindi aes necessitâts dal suces de formazion. Ancje pal furlan al è urgjent butâ jù un curicul. Dopo agns di pratiche, di provis e di sfuarçs par insegnâ ben il furlan o par furlan, o vin di metisi adun e fevelâsi par sielzi chel che al à dâts i risultâts plui bogns sevi intal agradiment di fruts, gjenitôrs, mestris e professôrs, sevi intal aprendiment.

Intal ambit dal progjet Lullabies lis scuelis elementârs e mezanis di Codroip e la scuele mezane di Mortean a lavoraran sul curicul, cuntun voli di interès ancje a ce che a àn fat altris scuelis sgarfant tra i progjets publicâts in rêt.

Mi plasarès podê lavorâ intun ambient di aprendiment colaboratîf (almancul par sparagnâ benzine!) parcè che al sarès miôr condividi lis nestris sieltis cun altris insegnants interessâts al insegnament dal furlan.

Timp di vendeme

ancje par Line e Toni.

Chest an in classe seconde Line e Toni a scuvierzaran i imprescj che si doprin par lavorâ.

Par vendemâ a doprin lis fuarpis e il zei...

A vendemin ue blancje e ue nere...

E po dopo nissun che al bevi il vin!

(O ai fat cheste imagjine cuntun program di presentazion.)

Congrès de Societât Filologjiche Furlane

A Codroip ai 5 di Otubar
http://www.comune.codroipo.ud.it/opencms/export/sites/default/xmlcontent/widgetdemo/downloads/filologica_friulana.pdf

Life is now

O ai sintût Moni Ovadia fâ un coment su “Life is now”. O ai condividût la sô idee sul fat che se cheste frase e je vere, alore o podìn incuinâ… Tant…
Jo o pensi che la frase e sarès tant plui juste se zirade “Now is life”:

Tierce pontade (saltant la seconde)
Di une altre robe si à bisugne par jessi vîfs: jessi cumò.

Cuarte pontade
Cjalait i vuestris pensîrs a a viodarês che spes a stan intal passât o intal doman.
… alore Buddha al disè “Cuant che a stais tirant dentri il flât, veis di jessi consapevui che a stais tirant dentri il flât. Cuant che lu butais fûr veis di jessi consapevui che lu stais butant fûr.” (di Istruzioni di volo per aquile e polli di Anthony DE MELLO)

Prime pontade

Cheste e je une domande fondamentâl: cemût fâ par finîle di vivi mecanichementri? Al è un esercizi che al pues judânus… Pensait a un fat pene sucedût. Alc che al è sucedût îr, o inte setemane passade. Al pues lâ ben visâsi ancje un moment no biel. Cjalait cemût che a reagjîs ai ricuarts, ce sensazions che a sintîs, ce convinzions e ategjaments che a vês viers chest episodi.
(di Istruzioni di volo...)

... savê...

Intal ultin o soi lât là dai artesans, convint di no savê nuie des tantis e bielis robis che a san chescj.
E no ai falât par nuie, parcè che a savevin robis che jo propite no savevi, cussì che o podevi considerâju, almancul par chest, plui savints di me. Purtrop però, o Ateniês, ancje i brâfs artesans, mi è parût che a colassin intal stes fal dai poetis, parcè che ognidun tra chescj, pal fat di jessi paron di une art, si ritignive verementri savint; e cheste stupidagjine e fluscave la sapience che a vevin.
(gjavât de "Apologia di Socrate" di Platone)

tigni cont la moto

La finalitât reâl dal metodi sientific e je chê di viodi che la nature no ti vedi fat crodi di savê chel che no tu sâs.
Nol esist nancje un mecanic, sienziât o tecnic che nol sedi stât sogjet a cheste ilusion cussì che al stâ in vuardie par istint.
Al è par chest che i tratâts sientifics e lis istruzions mecanichis a samein cussì stufadiçs e tichignôs.
Ae prime deduzion false sul motôr si reste blocâts cence fal.
(gjavât di "Lo Zen e l'arte della manutenzione della motocicletta" di R.M.Pirsig).

Esperiencis

E je une straorderarie esperience di pâs il Sermig nassût a Torin intal 1964 cuant che un arsenâl di vuere al è deventât un centri par fâ il ben no dome a Torin. In tantis bandis dal mont (in 86 stâts) cui soi progjets di disvilup, il Sermig al jude tante int a cjatâ une strade, a tornâ su la buine strade, a fâ servizi par chei altris. L'Arsenâl al è simpri viert par ducj chei che a àn bisugne cence cjalâ di dulà che a vegnin, se a àn un passât di cambiâ, o di ce religjon che a son.

cui sì e cui no

O soi in vene di polemiche...
Parcè che a son chei che a son intal forest di plui di une gjenerazion e a fevelin ancjemò furlan, magari cuntun acent dal Canadà.
A son i forescj che a vegnin chi e a fasin fâ furlan ai fruts, lu imparin ancje l^or (l'acent sul o vuê no mi ven) e lu fevelin ancje benut.
A son i meridionâi che si inzegnin avonde e a àn propite gust di imparâ.
e dopo a son i furlans dal Free-ûl. E a son chei che i l^or fruts no àn nancje di sint^ilu il furlan che si contaminin!
Lu sai, o soi un fregul rabiose!

Bon, ce si aie di fâ?

sondaç

Cors di furlan

Stefania Garlatti-Costa e Roberta Melchior a son lis autoris di un libri par students adults: "Lenghe cors di furlan" che si pues cjatâ al Consorzi Universitari. No pues mostrâus nuie parcè che no si pues riprodusi, ma us met un lavôr che o ai fat jo a scuele e che al è ancje chi.
Passâ de forme declarative a chê interogative al è dificil par cui che nol è di marilenghe. E ancje la forme negative

Doprant il verp jessi

jo o soi-----------soio?----------jo no soi
tu tu sês ---------sêstu?-------- tu no tu sês
lui al è----------- isal? ----------lui nol è
jê e je ----------- ise?----------- jê no je
nô o sin----------sino? --------- nô no sin
voaltris o sês ---- sêso?--------- vualtris no sês
lôr a son ---------sono? -------- lôr no son

Esempli: Sêstu fie di Clare? No, no soi fie di Clare. O soi fie di Marie.

Il Clil

Cummins al dîs che lis competencis linguistichis a son unitariis: lis parts in superficie dal iceberg che al rapresente lis competencisi visibilis intes diviersis lenghis, a lavorin dentri di une persone tant che un sisteme operatîf centrâl. Sot de superficie lis diviersis lenghis no funzionin in maniere separade.
La metodologjie Clil e svilupe un imparâ unitari e si dopre par un aprendiment integrât.

Pirule: gramatiche universâl

Lis lenghis a son diferentis par peraulis e formis, ma a condividin dutis struturis internis e operazions sintatichis. Ven a stâi a esist une "gramatiche universâl" teorizade di Noam Chomsky mieç secul fa.

pirulis 2

Franc Fari al fevele dal "fenomeno del contagio" e lu definìs tant che istint sociâl uman. La imitazion di un moviment de bocje al è tipic di un frut piçul che al copie un adult, ma al pues sucedi ancje tra grancj. Cussì al samee che cui che al scolte al ripeti dentri di se i moviments che al fâs cui che al fevele.

PIRULIS

Se nol è un libri, propite mi romp lei une pagjine interie che e sedi par talian o ancje par furlan. O crôt che a sedin miôr lis pirulis!

E duncje la pirule:

Al dîs Franc Fari (neurolinguist de Universitât di Udin) che fin a sîs mês di etât i fruts a rivin a discriminâ i sunôrs di dutis lis lenghis umanis.
Dopo cheste capacitât e cale fin a 12 mês.
A un an i fruts a rivin a discriminâ dome i sunôrs de lenghe che e scoltin ator di lôr (voltât miôr che o ai podût) - "Neuropedagogia delle lingue - come insegnare le lingue ai bambini" di Franco Fabbro.

Bant regjonâl

Visâsi di fâ la domande:

Lingue e culture delle minoranze storiche

Destinatari: scuole dell'infanzia, scuole primarie e secondarie di primo grado

Scadenza: 19 settembre 2008

Scuele furlane

No sai parcè che chestis gnovis dirigjentis che a rivin di altris ordins di scuelis, cuant che a rivin chi di nô si compuartin tant che la int no fasès nuie di nuie e a stas a cjantâ e a balâ dut al dì. Po dopo si morentin subite e intal ultin a fasin i compliments parcè che chi si lavore verementri! Ma intant... si subissin compuartaments che a dan un fregul di fastidi. Prove tu a cjantâ e balâ cuant che denant di te a son 40 voi... magari cun cualchidun che al varès bisugne di un jutori di plui, ma che no lu à e cun dutis lis problematichis che si puartin di cjase: fameis che a van in fas, malatiis, fradis che a rompin... E je vere che cualchidun al ven sù cence nissun probleme e li tu puedis magari par un moment molâ la tension, ma no si sa mai nancje li!

Fortune che no vin fevelât di grumai!

Doman

...prin colegjo dai docents in chel di Codroip.
Gnove dirigjente...
Chê che e je pene lade vie (Emilia Lisbo Parrella - buine pension!) e jere in amicizie cun pre Toni Beline e duncje... dut ben pal furlan.
Sperìn ben par chest an. Doman o savarai a dîus lis novitâts.

Terre di mezzo

No sai parcè che cheste iniziative no je par furlan, ma us a le segnali distès: http://www.terredimezzo.fvg.it

Triest

Chest che us segnâli mi samee un bon esempli di colaborazion tra universitâts GE-TS low co(a)st
Si fevele di Triest
"La città sta attraversando momenti difficili, alcuni legati a problemi recenti, altri dalle profonde radici: la perdita di popolazione e l’ aumento degli anziani, la concorrenza con Slovenia e Croazia, una generale mancanza di fiducia nel futuro e un comune approccio conservativo. Problemi cui si è cercato di rispondere secondo le logiche della “città occasionale” e del “grande evento”, che non si sono rivelate premianti e che la nuova idea di città proposta da GE-TS low co(a)st intende superare."

Une gjenerâl pierdite di fiducie...
Chest mi fâs pensâ a la pôre di chel che al è diferent par culture...

La scuele e à il podê di lavorâ distacantsi di cualsisei ideologje su la educazion al rispiet di un cun chel altri. E nol impuarte tant ce che a vuelin fâ i guviars di turni (fâ sù o disfâ). E je la volontât dai singui in colaborazion tra di lôr che e cambie lis robis.
Chest che us segnâli mi samee un bon esempli di colaborazion tra universitâts.

La television...

... e je chel mieç che al stâ simpri tal mieç tal mieç de cusine o de sale, tra te e il to om, tra i gjenitôrs e i fiis. Al è chel mieç che al fâs rincretinî i vecjos che cussì a pierdin chel ninin di furlan autentic che al varès voie di vivi ancjemò in Friûl e che al fâs vitis di bestie... sì ma bestiis di chês di une volte che a stentavin come i parons (cumò i cjans a stan miôr di tante int ator pal mont). Bon, studait che danade di television tant no fevele mica di chei che a stan mâl. Al somee che dut al vadi ben dentri a li!! A part il Telegjornâl che e je dute une tragjedie e no si fevele mai di chel ben che al fâs ben al spirt!

Zirant...

...ator pai blogs furlans mi plasin i nons che ognidun si dâ. O pensi che une persone e disi di sè plui cuntun sorenon che cul so non vêr e che il non dal so blog al feveli plui di dut ce che al è scrit dentri!
Par diti, se un si sint crot...
Chel sît che o metarin adun chest an a scuele cun chei di cuinte si clamarà Grignei di scuele come il nestri gjornalut parcè che par furlan plui di grignei no si puès fai fâ a fruts che a fevelin il furlan a cjase dome cui nonos! Pocje ortografie, dome alc che tant si impensin dome i fruts forescj... Bè cheste e je une robe... no savarès cemût definile...: i fruts furlans no si visin che cj intune peraule si scrîf cussì e a scrivin ci (come che a disin a Codroip) o ch. I fruts forescj o talians di altris regjons a imparin prime e si visin a lunc.

interessants

chescj blogs par rifleti su la condizion dai furlans...

Caratars Distintîfs

e

Furlans de diaspore

ancje il Gnogno

Al Bertoni...

... par no lâ intune classe di 27 di lôr!
Parcè la inte aie di scugnî fâ sieltis dal gjenar pai fiis? Pussibil che la scuele publiche no puedi garantî une situazion vivibile intal 2008?
E no je vere che no son beçs! Cualchi volte si ju dopre mâl parcè che a son sot di un capitul e no si pues spostâju, ma i beçs a son ancjemò!
La scuele e tâs e o lavorìn fûr di misure, i gjenitôrs a tasin e a comedin come che a puedin. Si viôt che al va ben cussì.
Mandi, par vuê o ai fevelât avonde.

doman....

...o partìn cu la moto e o nin ju par Rome... si sintìn cuant che o tornìn... se no voi a Ludario! Mandi!

robis di vuê

http://softfurlan.altervista.org: programs tradusûts par furlan (a puedin stâ simpri ben).
http://www.siencis-par-furlan.net/sstef.php Al podarès jessi interessant ancje a scuele, ma il gjornalut sientific al è di adatâ ae scuele elementâr parcè che al è di alt nivel.

o lei chi http://www.friul.it : Il Centri Friûl Lenghe 2000, cul jutori finanziari de ARLeF e de Regjon, al à publicât di la version inzornade dal Grant Dizionari Bilengâl Talian Furlan (te version par Windows, Linux e Mac OS X Tiger) che si pues discjariâ dal sît www.cfl2000.net

o ai cjatât...

...un blog par furlan une vore interessant. Pecjât che nol è scrit inte grafie uficiâl! http://mandifrus.blogspot.com/

Invecite chi tu cjatis la documentazion de strorie: Une sorprese par Silie (Una sorpresa per Cecilia)

http://gold.indire.it/nazionale/regionale/friuli/index.htm

Zûcs par furlan

O vin produsût un cd plen di zûcs par furlan. Si puès domandâ il cd a gratis inte Direzion Didatiche di Codroip e magari passâ a cjolilu daspò di vê telefonât. Al funzione cun Windows (purtrop) e al è une vore simpatic. O vin preparât i zucuts e dopo Damian Spagnûl cul programut RPGMaker ju à metûts adun. I prins a zirin bielzà di un pâr di agns.

O varès voie di fâ sù cualchi altri zûc doprant FLASH. Isal cualchidun che si intint?

Un zûc par furlan al è ancje chi
http://www3.sympatico.ca/rpontisso/c-evo-furlan.html.

Altris zûcs di fâ intun sît sigûr a son su
http://www.meraweb.it/gioca.asp

simpatic l'identikit... http://flashface.ctapt.de/

"A scuele... par furlan" trasmission di Telefriuli.

Nossere l'altri e je lade in onde le repliche di une trasmission de serie "A scuele... par furlan" di Manuela Quaglia, par Telefriuli, li che o jerin presints nô de scuele primarie Candotti di Codroip par presentâ alc dai lavôrs che o fasìn par furlan inte nestre scuele.
Di viodi ancje http://www.donneincarnia.it.

O ai scuviert une robe verementri interessante chi http://aliceictus.blogspot.com ven a stai che il mês di mai al è il mês de prevenzion dal ictus e a fasin ativitâts di screening ancje a Udin.

'seminari

Us segnali un 'seminari organizade dal Aimc. Viôt chi www.aimc.it

Il contributo di Lonergan

Un seminario organizzato dalle regioni Aimc del nord per esplorare il rapporto fra l'apprendimento dello studente e lo schema mentale che l'insegnante usa

SEMINARIO NAZIONALE

Costruire il curricolo di scuola.

Il contributo di Bernard Lonergan

Hotel Terme San Marco - via Santuario 130

Monteortone Abano Terme 26-28 agosto 2008

La lenghe

mi plâs une vorone cheste rispueste a Aureli Argemì diretôr dal CIEMEN (centri intenazionâl pes minorancis etnichis e nazionâls) di Barcelone su la situazion de minorance furlane. La version integrâl sul blog (http://com482.blogspot.com) dal Comitât 482.

-Parcè isal stât tant critic su la gnove leç di tutele de lenghe furlane?

“Parcè che e je stade fate simpri une leç di tutele. E je une cuistion di filosofie: si à di imbastî il discors sul principi che il furlan e je une lenghe che e à une dignitât e chei che le fevelin a àn il dirit di doprâle in dutis lis situazions. Invezit si à vût inmò une concezion assistenziâl, li che i fevelants a àn di jessi judâts. La cuistion e varès di jessi ribaltade: ognidun al à il dirit di fevelâ la sô lenghe e po dopo si cirarà la maniere di fâ convivi lis diviersis lenghis che a son sul teritori”.

I ten a dîus che le mê no je une cuistion di posizion politiche. Lassant fûr cualsisei idee politiche, o pensi che la lenghe - ogni lenghe e ancje ogni dialet - al vedi plen dirit di jessi fevelât cence pôre. Ancje l'albanês. Po di fat mi displâs tant cuant che intune famee di forescj i fruts a tachin a no volê plui fevelâ la lôr lenghe mari... La dignitât di une persone e passe ancje pe sô lenghe.

Grignei di scuele

Cheste e je la prime pagjine dal gjornalut de scuele primarie G.B.Candotti che o vin fat chest an.

Intes fotografiis a son dutis lis frutis e i fruts, lis mestris e i 3 mestris, lis bidelis e i bidei de scuele.

Fotos modificadis e ridimensionadis cun GIMP, inseridis intune presentazion e sistemadis par presentâ il steme de scuele. Lavôr dai fruts des classis cuintis.

furlan e informatiche a scuele

IL LABORATORI

DI TECNOLOGJIE DE INFORMAZION E DE COMUNICAZION

Inte scuele primarie G.B.Candotti di Codroip al è operatîf un laboratori di Tecnologjie de informazion e de comunicazion indulà che si proponin percors di fâ cul computer in lenghe furlane.

LA FONDE
De presentazion fate ai gjenitôrs si gjave il discors che al motive il nestri lavôr:

“La tecnologia dell'informazione e della comunicazione prevede l'utilizzo del computer come mezzo, come strumento per essere informati e per comunicare.
Viene insegnata nella nostra scuola per aiutare gli alunni a utilizzare questo strumento per attività di lavoro e di studio, in maniera costruttiva e critica per non essere dominati dai videogames e dalla rete.
Come? I gruppi classe che lavorano nel laboratorio T.I.C. sono 20.
Vi accedono per un'ora alla settimana con una distribuzione su tutto l'arco dell'anno.
Nel laboratorio si usa la lingua friulana.
Perchè? ...appare subito chiaro, che i bambini imparano le procedure da utilizzare per usare il computer in qualunque lingua glielo insegnamo. E che attraverso il computer amano immediatamente il friulano. Perchè non sfruttare allora questa inclinazione all'apprendimento?
Perchè non in inglese? Il percorso prevede anche l'uso dell'inglese, ma l'inglese non permette di colloquiare, mentre il friulano, essendo già almeno ascoltato nell'ambiente, permette di procedere senza intoppi linguistici. Si utilizza l'inglese per la conoscenza terminologica della macchina e dei software.

Come organizzarsi per rispettare il fondamentale diritto dei genitori che hanno optato perché non venga insegnato il friulano ai loro figli?”
Un esempli: daspò dai incuintris cui gjenitôrs che a àn viodût cemût che o vin lavorât in classe prime e seconde par furlan cui lôr fruts, su 76 fruts di classe tierce dome 3 a àn la opzion no, ma i gjenitôrs a son distès favorevui a che i fruts a seguissin la lezion par furlan.
Ducj i fruts a son judâts inte comprension cuant che no capissin:
la mestre e ripet biel planc par furlan,
la mestre e volte par talian une cualchi peraule verementri dificile,
un altri frut al volte par talian spiegant a cui che nol à capît.

Scuele furlane: parcè?

Ancje se no son in tancj che a fevelin furlan ai lôr fîs, o speri che cun chel che si fâs a scuele il nestri furlan al rivi a resisti e a vivi. Chel che mi preocupe une vore a son i vecjos. Almancul chei che o cognos jo. A viodin masse television e dopo a disin albicoche invecit di armelin, geranios invece di canelons...

Gnûf blog

Bon, bon. Fasìn chest blog! Bisugne fevelâ di scuele par furlan! E je juste ore di fâ une polsadute e di pensâ a chel an che al ven.