Nol è cussì facil.
O disarès che al è dificil.
Cussì tant dificil che dut al finìs intun moment e dopo no si sa nancje dulà che si àn poiâts i ocjâi.
E la muart e fâs pôre. Baste meti intal sac ancje chê, par no vê pôre.
Ma chê prime o dopo e ven fûr e se no si è preparâts o crôt che e sedi dure!
Forsi e baste (!) dâi un significât ancje ae muart, planc planc, tignint denant dai voi la pussibilitât che e rivi di un moment a chel altri e clamâle “sûr” come Sant Francesc…
Dut câs, se e ves di capitâmi di murî (che nol è dit!), fasêt fieste e metêtsi vistîts di ducj i colôrs e cjantait cjançons legris e mangjait e bevêt parcè che, il prime no sai, ma il dopo al sarà une fieste e us invidi (restait chi, però, che al è ben fâ une fieste a la volte!)
1 commento:
Bielissim coment par un argoment che nissun al à il coragjo di frontâ. Ancje il pape vuê al à dite di no vê pore, ma nol è facil! Soredut par cui che, come me, nol à masse fiducie in ce che al sarà dopo... comunque, grazie.
Posta un commento