giovedì 30 dicembre 2010

2011

make a gif


Buine fin e bon principi a ducj!

Pal gnûf an

un ebook
cun libris par furlan


La robe e je interessante e di viodi miôr par preparâsi a un 
bon 2011.

domenica 26 dicembre 2010

giovedì 23 dicembre 2010

24

E se al è bielzà il 24 cemût fasio a rivâ in timp? Al è nulât, plui che nulât. Al sglavine.... no si viôt une stele! no si viôt LA stele. Cemût fasio a rivâ in timp?
O magari il timp al è bielzà passât e jo o soi chi che o cor ator ator cence savê che o soi simpri intal stes puest intun timp difarent e che no rivarai mai.
O magari o soi za rivade e no sai che o soi chi denant di un spetacul straordenari. Si sta pôc a no nacuarzisi dal fantastic che al è dongje e si spalanche i voi par robis grandis che no valin nuie. Piçul! Cussì piçul di no viodilu, di no savêlu. Cussi spetacolâr che no si mostre. Nol à bisugne di mostrâsi il meracul. No covente vê voi. Cence odôr, cence rumôr, cence savôr. Cence valôr. Come un nuie.
Prove cjale intal cîl tra une stele e chê altre, in montagne, intune gnot frede, cence aghe (!). Ce isal? Chel dut che al è di là dal confin dal gno jessi puntin suntun puntin tal Univers. E che al samee al nuie.

O speri di jessi in timp, doman, taponade intun cjantonut a cjalâ e jemplâmi i voi di sunôrs che nissun nol sa...

giovedì 16 dicembre 2010

Patrie

La Patrie dal Friûl cuintri dai erôrs Rai: scomençâ cu la programazion par furlan, invezit di spot fûr dal vade"Il Furlan nol è un dialet, ma une lenghe: tiraitlu vie de ultime campagne Rai" e je la posizion ferme da "La Patrie dal Friûl" (www.lapatriedalfriul.org) storic mensîl in lenghe furlane fondât tal 1946. "La Rai e varès di visâsi di meti in vore la leç 482/99 art 12 come 1, invezit di confondi la lenghe furlane cui dialets dal talian, e inserî dentri dai siei palinsescj une programazion in lenghe furlane. Metude in vore che e reste ancjemò in dì di vuê cence rispueste". Cun di plui al è ancje un erôr storic: "La campagne Rai e volarès celebrâ i 150 agns de Unitât di Italie, ma il Friûl al è stât anetût al ream di Italie dome tal 1866 e no tal 1861. Adiriture a son zonis dal Friûl orientâl che a son deventadis talianis dome dopo de prime vuere mondiâl" e precise la redazion da "La Patrie dal Friûl" che e siere "Cuissà se cualchidun si domandarà trops bêçs publics che a son stâts spindûts par spots che a son rivâts a unî la Italie... tal disdegn."

sabato 11 dicembre 2010

Propuestis di alfabetizazion

Centri Interdipartimentâl di Ricercje su la Culture e su la Lenghe a dal Friûl de Universitât di Udine e il MIUR Veneto a àn metût adun un cors:
STRUTTURARE MATERIALI: PERCORSI DI ALFABETIZZAZIONE NELLA SCUOLA PRIMARIA che al è stât fat in Otubar intal Cjadovri par insegnants di scuele primarie e di scuele mezane. La professore dal cors e jere Silvana Schiavi Fachin. Interessant il document

giovedì 2 dicembre 2010

Elicotars

Un papà militâr al à invidât la classe dai fiis a fâ une visite ai elicotars de sô caserme. Mi àn caturade ancje me, che o soi contrarie a gjitis e esercits, parcèche e mancjave une coleghe. Cussì al ultin moment o soi partide, in machine, naturalmentri, parcè che i pulmins no son omologâts par ducj i adults che a coventin. Cussì, a riscjo, in doi o sin lâts daur cu la machine, sperant che nol sucedès nuie ni a nô, ni ai fruts!
Visite interessante, cun ilustrazion de storie, des medais, dai elicotars, des missions di pâs. E dopo, visite ai elicotars. Elicotar di difese, par compagnâ e difindi cui che al puarte vivars e jutori in puescj di vuere, cun tant di mitrae e missii. Elicotar par puartâ ferîts cuntune biele pance gruesse par meti barelis e robe, se e covente. E dongje il bancut cun pistolis e fusii cun tant di spiegazion su cemût che si smicje  al "bersaglio". Cuissà mai ce che al sarà ches "bersaglio"... E un frut che al domande: "Come si fa a distinguere gli amici dai nemici?" Biele domande! Propite biele.
O soi furibonde o forsi dome un grun avilide.

domenica 28 novembre 2010

Zûcs par furlan

A nassin sul blog zûcs par furlan par frututs des classis secondis:
Zuie cu lis pomis 1
Zuie cu lis pomis 2

e par fruts di classe cuarte o ancje plui grancj: zuie cul computer.

mercoledì 17 novembre 2010

La divertente vite

Par volê ben a di chei altris bisugne volêsi ben
e nol è par nuie facil! Forsi bisugne cjapâle sul ridi
e divertisi ancje a fâ chel che si à di fâ.
Un che mi pâr che si stedi divertin tantonon al è Dree Venier
cui soi Gnognosaurs che a van benon di jessi doprâts
a scuele par fâ lei e fevelâ i fruts...
Cjale chi: http://gnognosaurs.blogspot.com

lunedì 15 novembre 2010

Nicoletta Costa

Nicoletta Costa a Codroip par "A spasso tra le righe" e fevele a lis mestris e ai gjenitôrs e ancje a cualchi frut pene tornât dal asilo. La Nuvola Olga e il cuninut no àn plui segrets pes scuelis di Codroip.

domenica 14 novembre 2010

la vite

Trop ise impuartante la vite?
Cualchi volte no pâr cuissà ce ni la vite mê, ni chê di chei altris... Ma al baste un nuie par che une vite no sedi plui e cuant che no je si sint dute la sô teribile assence. Un vueit che al samee a la profonditât di un buron cuant che si bute un clap e si tire la orele par sintî e calcolâ la profonditât. Eco, cuant che la vite no je, il clap nol rive mai insomp... e tu colis, tu colis, tu colis al infinît tu che tu sês restât vîf.
E pûr la vite no finìs propite par nuie cu la muart. E continue li, pene dopo dal gno respîr, plene e interie come che no à mai rivât a jessi, cu la sapience di cui che nol à limits di timp e di spazi... Intal moment dal lassâsi, però nol è cussì facil rilassâsi su cheste convinzion e rivâ a gjoldi dal moment, come che si varès considerât che, di sigûr, un che al pative al sta miôr cuant che il patiment al è finît.
Il valôr de vite, purtrop, al è une vore personâl cuant che si trate de vite di chei altris, specialmentri se no si cognossiju... e cussì copariis di ogni sorte...
In cualchi puest la vite e je picjade a convinzions politichis. O religjosis. Come chê di Asia Bibi, femine di 37 agns pakistane che e je stade condanade a muart parcè che e à difindût il so jessi cristiane.
Cui che al vûl aderî a la campagne par cirî di salvâle al puès scrivi un messaç al
331 2933554 o a la direzion salviamoasiabibi@tv2000.it.

lunedì 1 novembre 2010

Al plûf...

...e intant si pense a un sisteme di valutazion pe lenghe furlane che al fâsi stâ contents insegnants, gjenitôrs e popolazion.
La robe no je par nuie facile.
Ancje parcè che la peraule valutazion e à dentri cetantis valutazions:
  1. chê dal ambient li che un al vîf
  2. chê des cognossincis dal frut
  3. chê di cui che al insegne
  4. chê di ce che al è miôr proponi pal disvilup de lenghe e de culture lavorant cun ducj chei altris insegnants
  5. chê organizative
  6. chê intermedie par sistemâ ce che nol funzione
  7. chê finâl sul percors, su la organizazion 
  8. chê dai aprendiments
  9. la autovalutazion dai aprendiments
  10. e chê dai gjenitôrs
  11. e no sai se o ai metût dut...

mercoledì 13 ottobre 2010

'SEMINARI

SEMINARIO

Progetto Lullabies


VALUTAZIONE
DELLE COMPETENZE LINGUISTICHE
IN LINGUA MINORITARIA

21-22-23 OTTOBRE 2010

Sede del Seminario

Codroipo (UD)

  • Piazza Giardini Pubblici 
    Sala Convegni
B.C.C. Basiliano

  • Via Friuli 14
Scuola Primaria Candotti

sabato 18 settembre 2010

martedì 14 settembre 2010

EUNOM

Simposi pal progjet EUNOM inte Universita^t di Udin. Par insegn^a a insegn^a. Cem^ut che i gnUfs insegnants a àn di jessi prepar^ats par insegn^a une lenghe. 

L'ingle^s tant che lenghe francje sì, ma nol baste. L'impuartance des lenghis di confin come il todesc. E tant altri...

Si fevele par furlan, talian, catalan, ingle^s.

E se cualchidun mi jude a instala^ la tastiere furlane su Linux lu ringrazi... o sai o soi imbranade...

 

mercoledì 8 settembre 2010

RISPUESTIS

1) jo scuele tropis oris soio tignude a fâ di furlan?
Ai sens de 482/99, la scuele e je clamade a corispuindi a la richieste dai gjenitôrs par garantî l’aprendiment dal furlan. Il troi par rivâ a di chel obietîf al jentre te autonomie scolastiche.
2) Puedial un Collegio Docenti decidi di fâ un numar limitât di oris? E fin a tropis oris di massime?
Idem, come sore, naturalmentri intal limit massim dal 20% de cuote di autonomie.
3) Come riferiment o vin cjapât par agns il bando dal progjet regjonâl (40 oris), ma isal cualchi altri document furlan, talian, european che al fevele di timps?
Cul gnûf regolament ai sens de 29/07 a saran dadis indicazions precisis su contignûts e oris, simpri però lassant salve la autonomie scolastiche.

domenica 5 settembre 2010

Sudri

La fieste dal len di Sudri... Ce aie inte anime la int che e masane il len fasint formis plui bielis che se veris?

mercoledì 1 settembre 2010

Domande

Lu sai che e je une domande complicade, ma o varès bisugne di rivâ a rispuindi a lis coleghis che mi le fasin in continuazion.
Se la domande dai gjenitôrs di fâ furlan a scuele e je avonde alte, disìn dal 80 o 90%, ma ancje cence calcolâ il numar di sielte des fameis, jo scuele tropis oris soio tignude a fâ di furlan? Puedial un Collegio Docenti decidi di fâ un numar limitât di oris? E fin a tropis oris di massime? Come riferiment o vin cjapât par agns il bando dal progjet regjonâl (40 oris), ma isal cualchi altri document furlan, talian, european che al fevele di timps?

venerdì 27 agosto 2010

fisiche par furlan

Ancje nossere e jere une serade cjalde di passâ fûr in biele compagnie e cussì ai Colonos di Vilecjasse o sin lâts a sintî Sergjo Cecot che al fevelave par furlan dai principis fisics che a stan sot de opare de Nature... "Nuie di masse, ma cence esagjerâ" al è chel che al capite ator di nô cuant che al cole un piruç o cuant che la lûs e passe par doi mieçs come aiar e aghe...
Facil di capî o parcè che Cecot al è brâf o parcè che la spiegazion e risulte plui facile par furlan. Cussì mi è sameât fin cuant che i argoments no son lâts fûr de mê puartade! E no ai ancjemò capît nuie de teorie de relativitât e de fisiche quantistiche, no parcè che no sedin stadis spiegadis ben, ma parcè che mi volarès cualchi lezionute di plui.
Da rest o vîf ben distès e nossere si stave propite ben sot lis stelis che a stavin ben picjadis ancje se no sai par cuale leç fisiche (forsi chê de ereditarietât cussì che si puès aprosimâ tant che mai che si à simpri resòn... al devi jessi ancje cualchi politic che al dopre cheste proprietât par justificâsi...!).

domenica 22 agosto 2010

çurçuvint

Nossere intal cjistiel di Glemone o ai viodût "Cercivento" cun Maranzana e Somaglino. E je la storie di doi soldâts che a àn conseât ai lôr comandants di no fâ un atac suicide. Processâts e condanâts, il spetacul nus mostre la atese di jessi copâts cu la cussience nete.
La pôre, la rabie, il dolôr, la delusion, la stupiditât de vuere, il valôr dal om come om di ca e di là dal front a vegnin fûr cun dute la lôr fuarce diventant fisics che si ramenin e si imberdein, che si cirin e si tachin ae vite cun disperazion.
Mi è plasût une vorone.
L'uniche robe che no rivi a gloti e che e je presinte come che no si podès fâ di mancul e je la blesteme. Blesteme in sene. Come disi che e je justificade intal vivi di ogni dì. NO!

venerdì 25 giugno 2010

Curicui

Collegio Docenti biel bulint ai 24 di Jugn dal 2010.
La propueste dai curicui pes scuelis primariis studiât di un grup di docents no passe.
In chest an di scuele un grup in verticâl tra lis scuelis mezanis di Codroip e Mortean e la scuele primarie di Codroip al studie un plan di fatibilitât di une part dal curicul di furlan.
Subit i docents dal Circul Didatic di Codroip a esprimin dubits e intal Colegjo a declarin la necessitât di une revision de propueste parcè che nol samee che si puedi rivâ a alts nivei di aprendiment soredut in citât li che i fruts a fevelin scuasit ducj par talian.
Al inizi dal an che al ven si tornaràn a studiâ i obietîfs proponuûts cuntun adeguament adat a lis esigjencis di dutis lis scuelis dal Circul.

martedì 22 giugno 2010

dûr a passâ il concet!

In attuazione dell'articolo 6
della Costituzione
e in armonia con i princípi generali stabiliti
dagli organismi europei e internazionali,
la Repubblica
tutela
la l i n g u a
e la cultura delle popolazioni
albanesi,
catalane, germaniche,
greche,
slovene e croate
e di quelle parlanti il francese, il franco-provenzale,

il friulano,
il ladino, l'occitano e il sardo.
L.482/99

giovedì 17 giugno 2010

LIM

E dopo chest lunc an
o varìn la LIM ancje intes nestris scuelis
o varìn gnûfs laboratoris e gnovis aulis...

sabato 8 maggio 2010

Il Centri Interdipartimentâl di Ricercje su la culture e la lenghe dal Friûl de Universitât dal Friûl al inmanee cors a gratis di lenghe furlane pal personâl dal Ateneu e dai altris ents publics, e, tant che scoltadôrs, par ducj i interessâts.

martedì 4 maggio 2010

venerdì 30 aprile 2010

AN DAN DEST

Sabide ai 19 di Jugn si presente al Politeama Rossetti di Triest il libri musicâl "AN DAN DEST" e par l'ocasion la sezion dai fruts da la Biblioteche Civiche di Codroip e organize une coriere par lâ ducj insiemi, fruts e gjenitôrs, a divertîsi e a partecipâ a un laboratori di poesie e di musiche curât di Giovanna Pezzetta.

domenica 28 marzo 2010

sabato 6 marzo 2010

l'ort

Sabide ai 20 di Març
intal teatri Benois De Cecco
di Codroip 8 e tre cuarts di sere:

"L'ORT - Racconto musicale.
Da un'idea di Stefano Montello e Elvio Scruzzi
di e con
Stefano Montello – voce recitante e testi

Cristina Mauro – voce e musiche originali

Ermes M. Ghirardini – percussioni

Sebastiano Zorza – fisarmonica

Elvio Scruzzi – adattamento teatrale e regia

con la collaborazione di

Fabiano Fantini

MariaLuisa Rosso"

domenica 14 febbraio 2010

SIPARI FURLAN

Secondo appuntamento, lunedì 15 febbraio alle 18.00,

con il progetto dedicato alla drammaturgia in friulano.

Paolo Patui e Angela Felice conducono

la lezione-spettacolo Il Friuli del primo Novecento

giovedì 28 gennaio 2010

SIPARI FURLAN

Mi rive cheste mail:

SIPARI FURLAN - IL PROGETTO CHE IL GIOVANNI DA UDINE DEDICA ALLA VALORIZZAZIONE DEL TEATRO IN FRIULANO

La novità di Sipari Furlan, il progetto che il Giovanni da Udine dedica quest'anno alla drammaturgia in lingua friulana, non sta certo nell'uso della marilenghe nel principale teatro cittadino quanto, piuttosto, nelle modalità collaborative da cui nasce l'inserimento nella Stagione di tale - attesa - iniziativa.

Il Giovanni da Udine è al centro di accordi con Teatro Club che cura le lezioni-spettacolo sulla storia del teatro in friulano dalla seconda metà del 1800 ad oggi, con l'Associazione Teatrale Friulana che mette in scena Mari Aghe per i bambini, con l'Accademia Nico Pepe che presenta in forma teatrale Odissee dalla traduzione dal greco del poema omerico di Visentin e Carrozzo, con il CSS Teatro Stabile di Innovazione del Friuli Venezia Giulia che con l'iniziativa Farie Teatrâl Furlane promuove la scrittura di nuovi testi in friulano mettendo a contatto autori, registi e attori, e presenterà in forma di lettura scenica il risultato del primo ciclo di questo lavoro....


prin incuintri:

lunedì 8 febbraio 2010 – ore 18.00

Sapori d’Ottocento nel Friuli che fu, tra Austria e Italia

Pietro Zorutti, Caterina Percoto, Pacifi co Valussi, Francesco Leitemburg, Giuseppe Lazzarini,

Francesco Nassimbeni, Carolina Luzzatto, Emilio Nardini, Carlo Favetti, Teobaldo Ciconi

e altri ancora, senza scordarsi di Ippolito Nievo

Interventi musicali a cura del Laboratorio di Musica da Camera e Canto del Liceo C. Percoto di Udine

direttore Marco Querzola

Letture a cura della compagnia La Loggia diretta da Danilo D’Olivo

Ospite d’onore Fulvio Salimbeni, Università di Udine

lunedì 25 gennaio 2010

Videozûcs

Interclasse di cuinte: Il consei dât des mestris al è di evitâ i videozûcs violents. Rispueste dai gjenitôrs: Sì, a vês reson, ma chest al è che che al passe il marcjât. No è alternative.
Rispueste demenziâl! O sin nô il marcjât!

lunedì 18 gennaio 2010

Atenzion

Atenzion ai zûcs cul computer: tantis voltis a taponin pericui pai fruts, ma ancje pai grancj.

lunedì 4 gennaio 2010

2010

E, cence scuasi che mi visàs, al è rivât il 2010. La mê nape e à cjapat fûc (o speri che dentri nol sedi stât nissun a brusâsi i cjalçuts!) e duncje o proviôt che al sarà un an une vore cjalt... ma par tiere e je la nêf e duncje o proviôt che al sarà un an ancje frêt...
Mi plasarès polsâ, cualchi moment, intal clip...