Ancje nossere e jere une serade cjalde di passâ fûr in biele compagnie e cussì ai Colonos di Vilecjasse o sin lâts a sintî Sergjo Cecot che al fevelave par furlan dai principis fisics che a stan sot de opare de Nature... "Nuie di masse, ma cence esagjerâ" al è chel che al capite ator di nô cuant che al cole un piruç o cuant che la lûs e passe par doi mieçs come aiar e aghe...
Facil di capî o parcè che Cecot al è brâf o parcè che la spiegazion e risulte plui facile par furlan. Cussì mi è sameât fin cuant che i argoments no son lâts fûr de mê puartade! E no ai ancjemò capît nuie de teorie de relativitât e de fisiche quantistiche, no parcè che no sedin stadis spiegadis ben, ma parcè che mi volarès cualchi lezionute di plui.
Da rest o vîf ben distès e nossere si stave propite ben sot lis stelis che a stavin ben picjadis ancje se no sai par cuale leç fisiche (forsi chê de ereditarietât cussì che si puès aprosimâ tant che mai che si à simpri resòn... al devi jessi ancje cualchi politic che al dopre cheste proprietât par justificâsi...!).
1 commento:
In teorie, le relativitât a someave ae atrazion fisiche jenfri un om e une femine ma da cuant che dutis lis atrazions a son buinis par fâ un mont, nissun nol capís plui nuie, duncje al é normâl di viodi lis stelis cence domandâsi nuie di plui par gjoldi:-)
Mandi
Posta un commento