Chest mi domandi e no ai rispueste co dut al è bielzà dit e tornât a disi.
Cussì la vôs e mûr e il tasê al devente la plui biele gnove.
La mancjance no je volgâr.
Da rest chel che al è dit no simpri al rive a taponâ il vêr jessi, la sostance, cualchi volte plui fraide che sclete. O a mostrâle inte sô veretât plui sane.
Lis peraulis a disin e no disin. Lis tantis peraulis no disin. Se a son masse dopo trente seconts un al pense a alc altri.
Lis pocjis peraulis no disin dut. Ma dut ce... se dut al è stât dit?
E duncje miôr un san tasê.
Nessun commento:
Posta un commento