Jo o soi cristiane catoliche. O ai cheste bandiere.
No le ten parcè che i miei mi àn batiade o parcè che mi puartavin a messe.
Le ai pardabon di cualchi an. Di cuant che o ai tacât a informâmi, a lei lis vôs a favôr e cuintri. Di cuant che o ai tacât a cognossi.
Cognossi ce?
Cognossi
Une
Da rest se no si cognòs e no si capìs, cemût si fasie a disi di sì o di no?
Il gno piçul çurviel no mi permet di refudâ une tâl bandiere dome parcè che chei sot pal plui dal timp no son bogns di puartâle!
A mi mi interesse la bandiere, no chei che le puartin.
3 commenti:
Tu âs za dite tant. Tu âs za dite di jessi te scune di cui che al cîr intun troi che al à une direzion. jo no sai di bandieris. Jo o sai che si à bisugne di vê une sigurece, di sore di ducj i dubiis. Mi interesse ancje cui che al mene la bandiere parcè cui che al testemone al cjol o al discjol vie. Mi interesse il discors ultin e chel penultin. Mi interesse intun mont ingredeât vê cualchi peraule sclete.
Po ben, par chest e je siore Bete!
Ise cualchi bandiere a chest mont che chei che la puartin a son simpri stâts degns di puartâle? Se tu i tegnis ae bandiere tu cjalis prin di dut chê. Podopo cui che la puarte cualchi volte al è un bon testemoni, cualchi altre volte al fâs dûl o rabie. Ma ... cui che al cence pecjât, che al tiri il prin clap.
Posta un commento