A son agns che o soi cuintri dai regâi.
Al è masse dificil ricevi un regâl. Magari chê robe li tu le âs za.
O pûr, no tu le âs, ma no ti interesse nancje di vêle.
O pûr, no tu le âs, ti interesse di vêle, ma no cussì!
Plui dificil ancjemò al è fâ un regâl savint chestis robis. Chel che al ricêf, come te, al à scuasit dut e chel che i covente, i covente secont un so gust e no secont il to.
A mi mi plasarès podê dî a cui che o ai di regalâ alc,
che o darai chei bêçs
a cualchidun che al è inte situazion di cui che nol à guscj,
ma dome dibisugnis...
Però, se un no le pense come te magari si ofint...
O soi cuintri dai regâi.
3 commenti:
Par chel Amazon al à inventât lis "Wish lists" ;)
Al è ben vêr che al è dificil fâ e fin ricevi regâi, però mi somee che intun regâl no si var136s dome di cirî ce che nus covente o ce che al covente a cualchidun altri.
Cualchi volte un regâl al è un regâl propit parcè che ce tu ricevis al è alc che no ti covente e che tu, cjalant magari il presit, no tu varessis mai comprât. Cualchi volte i regâi ti fevelin di cui che ta ju fâs, cualchi volte a son pinsîrs sincîrs, che ti fasin capî che al è ator pal mont cui che ti vûl ben.
Ogni tant al è masse facil decidi che i regâi a son stupidès inutîi che no van incuintri a lis dibisugnis materiâi des personis. La int no à dome dibisugnis materiâi: ni chei che a ricevin il regâl, ni chei che lu fasin.
Par Matieu
Bielone cheste iniziative, ancje se o ai miôr dâ in man i beçs a un intermediari che o cognòs di persone.
Posta un commento