Bibie

I events:          ai 3 di Març – La Bibie par un popul;
ai 17 di Març – Un popul cu la sô Bibie;
ai 26 di Març – l’Arcivescul di Udin al incuintre i letôrs.


La iniziative “Leture continue de Bibie par furlan - Lettura continua della Bibbia in Friulano” al è un event unic tal so gjenar par vie che pe prime volte la Bibie e vignarà lete fûr par fûr, cence polse, intune lenghe minoritarie li la Glesie de Puritât (Udin) di domenie ai 3 di Avrîl 2011 a sabide ai 9 di Avrîl.
Organizade de ARLeF – Agjenzie Regjonâl pe lenghe furlane, de Provincie di Udin, de Arcidiocesi di Udin e de Associazion Culturâl Glesie Furlane, e à ancje la adesion des Provinciis di Gurize e di Pordenon, de Arcidiocesi di Gurize e de Diocesi di Concuardie-Pordenon e il patrocini de Regjon Friûl Vignesie Julie e dal Comun di Udin.

Par rimarcâ ancjemò di plui la atenzion su la iniziative e sul puest sede de leture continue, a son stadis pensadis 2 seradis “colaterâls” al event di Avrîl: il prin incuintri, curât de Associazion Culturâl Glesie Furlane, si davuelzarà joibe ai 3 di Març aes 20.30 li de Glesie de Puritât (Udin – dongje dal Domo) e al è intitulât “La Bibie par un Popul”, li che a intervignaran i protagoniscj de preparazion e de aprovazion dal test voltât:
-          Bonsignor Duilio Corgnali, tal 1977 vicjari episcopâl pe culture de Arcidiocesi di Udin e coordenadôr de Comission interdiocesane dai bibliscj e teolics pe preparazion de Bibie. Al è stât il protagonist dal ricognossiment uficiâl;
-          Pre Romano Michelotti e Pre Antonio Cappellari, components de comission e amîs personâi dal tradutôr Pre Antonio Bellina.

L’altri incuintri, “Un Popul cu la sô Bibie”, par cure dal diretôr artistic dal event, Federico Rossi, al è previodût par joibe ai 17 di Març aes 20.30, simpri li de Glesie de Puritât, e al varà come argoment la impuartance de dimension antropologjiche e de identitât culturâl tal orizont universalistic de Bibie.  A intervignaran:
-          Bonsignor Rinaldo Fabris, docent di esegesi bibliche e President de Associazion Bibliche Taliane;
-          Prof. Franco Fabbro, neuropsicolic e docent di neuropsichiatrie infantîl ae Universitât dal Friûl.
Al sarà propri il Diretôr Artistic dal event “Leture continue de Bibie par furlan” a presentâ il dibatit.

Infin, al è previodût par sabide ai 26 di Març aes 15.30 te Catedrâl di Udin, l’incuintri spirituâl cul Arcivescul di Udin, Bons. Andrea Bruno Mazzocato, e i letôrs-volontaris. E sarà la ocasion par ringraziâju de lôr disponibilitât e sotliniâ la impuartance de lôr azion a servizi de proclamazion de peraule di Diu.

mteiâi

...materiâi di supuart

che si puedin domandâ chi

1511

1511? sì, graciis. Cumò ator pal mont un carnevâl di muarts zovins. Zovins.
E i furlans? Zito. A fevelâ di cinccent agns fa e di une piçule storie mai nassude. Dulà sono i furlans? dîs, in rêt. E vonde. Ator no viôt furlans. Se a son, a tasin. O a fevelin par talian. Nissune dissendence.
Vie. Vie. Ni furlans ni talians. Ducj cidins dentri tes nestris cjasutis cu lis rosutis sui barconuts! La lote? Sì, fin cuant che e je di chei altris. Intun altri timp o di une altre bande. Ma a matine al è biel stâ intal cjaldut intal jet.
No coventarès tant. Al bastarès di lâ vie in biciclete. Petrolio? Ch'a s'al bevin! Panei fotovoltaics invece di nucleâr e finalmentri cualchi sane machinute eletriche.
Ma nô ducj cito a tignî chel che nus dan e a disi ancje graciis!
1511! La rivolte intune altre maniere si à di fâ. Ma dulà sono i furlans? Dulà sono i talians? Nus puartin vie il mont IL MONT sot i pîts. Il mont si disfe. E nô, che o cirìn di cambiâ lenghe, o stin ducj cidins.

Musiche

CODROIP

CONCERTI DELLA DOMENICA MATTINA

Anno 2011 XXI edizione

Sala conferenze della biblioteca civica

Associazione Musicale e Culturale Città di Codroipo

Biblioteca Civica Don Gilberto Pressacco

---

Domenica 27 febbraio – ore 10.45

Luigi Vitale vibrafono

Alessandro Turchet contrabbasso

                                    Musiche di Vitale

Durante l’intervallo un libro in 10 minuti

 Paolo Maurensig presenta il proprio romanzo

“L’oro degli immortali”

Morganti editori

Domenica 6 marzo – ore 10.45

Fabrizio Furci  chitarra

Musiche di Turina, Albeniz, Furci, Baden Powell

 Durante l’intervallo un libro in 10 minuti

Francesca Raffaella Guerra presenta la collana di romanzi gialli

“Friuli terra di misteri”

Ubi minor edizioni

Domenica 13 marzo – ore 10.45

Donne in musica

Elena Blessano, violino; Eva Burco, soprano; Sara Rigo, pianoforte

Musiche di Mozart, Diehl, Hecker, Viardot

 Durante l’intervallo un libro in 10 minuti

Giovanna Simonetti presenta il proprio saggio

“Trieste: i sapori della storia”

Edizioni Biblioteca dell’Immagine

 

Ingresso libero

Gnognos

 

«I Gnognosaurs 2!» di Dree

Turoldo

Ai 6 di Fevrâr al cole il diesim novesim aniversari de muart di pari David Maria Turoldo (1992-2011) e par memoreâ cheste ricorence il Comun di Sedean – Assessorât ae Culture, cul patrocini de Provincie di Udin, in colaborazion cu la Associazion culturâl pari David Maria Turoldo e cul Grup artistic austriac ART 13 al à organizât une schirie di events par ricuardâ la figure e le opare dal frari sai Sierfs di Marie cul titul “La bielece e salvarà il mont”. Un cjamp tematic te pluralitât dal vivi – Manifestazions Turoldianis 2011.

Il program dai apontaments si disviluparà in doi fins setemanis di Fevrâr (ai 5-6 di Fevrâr/ ai 26 di Fevrâr) e intun fin setemane di Avrîl (ai 9 di Avrîl).

Si scomence sabide ai 5 di Fevrâr aes 16.00 li de Cjase di nassite dal frari (Coder, vie C. Percoto, 7/1) cun “Spiritualitât – Podê de peraule – Podê de imagjin”: scree de mostre des oparis pitorichis dal grup artistic ART13. A intervignaran bons. Nicolino Borgo che al curarà la presentazion e introduzion, Ulrike Spontina pe Lezion Magjistrâl, spazi po dopo a Stefan Pirker cu lis sôs interazions artistichis e conclusions cun riflessions e sponts turoldians. Impuartante cheste colaborazion disvilupade cul grup ART13. La presince di artiscj che a vegnin de Austrie e da ancjemò plui valôr al event e e permet di lâ indenant tal slargjâ i contats regjonâi, fûr regjon e internazionâi partint de figure di pari Turoldo. I teritoris li che al è nassût a vegnin cognossûts in cheste maniere fûr dai confins comunâi e a Cjase Turoldo e di Cjase Turoldo a rivin e a partissin iniziativis gnovis che a confermin, se ancjemò al covente, la sielte che e cjalave indenant di cui che al à volût recuperâ la cjase regalade dal frari al Comun, destinantle a centri culturâl di nivel, sore che lûc de memorie.

Domenie ai 6 di Fevrâr aes 11.00 li de Glesie dedicade ai Ss. Filippo e Giacomo di Coder di Sedean e vignarà dite la messe in ricuart dal frari, propit te zornade li che al cole il diesim novesim aniversari de muart. La messe grande e vignarà cjantade de “Corâl Sante Margarite di Rivis”, direte dal mestri Giorgio Molinari.

Sabide ai 26 di Fevrâr aes 16.00, ancjemò te Cjase di nassite, spazi al “Belanç di une esperience e prospetivis pal avignî” – Presentazion dal gnûf statût de associazion culturâl pari David Maria Turoldo cun assemblee dai socis, gnovis adesions e rignuviment des cjariis. E sarà la ocasion par atualizâ, a distance di tancj agns, mantignint il pensîr turoldian simpri tant che pont di riferiment, cualchidune des finalitâts de associazion, integrantlis cun prospetivis gnovis risultât di senaris culturâi e sociâi modernis, che cun chestis si à di confrontâsi in maniere inevitabile denant dal cori naturâl dal timp.

Il cicli di apontaments si sierarà sabide ai 9 di Avrîl aes 15.00, li dal centri culturâl “Il Ridotto” (Coder, place Cavour, 4), dulà che si davuelzarà l’incuintri di riflession cul titul “La bielece e salvarà il mont”. Un cjamp tematic te pluralitât dal vivi par cure di bons. Nicolino Borgo e de prof.e Antonella Anghinoni – bibliste.

Un calendari di apontaments che al prepare a chel che al sarà l’impegn pal 2012, cuant che a colaran cun di fat i vincj agns de muart dal citadin innomenât, frari, teolic, poete e si è za daûr a lavorâ in colaborazion cu la Associazion dedicade a lui par meti jù une propueste culturâl impuartante.

IL SINDIC

p.i.elt. DINO GIACOMUZZI

La Bibie par furlan

  Leture continue de Bibie par furlan

dai 3 ai 9 di avrîl dal 2011

Glesie dal oratori de puritât - Udin

Si podarà notâsi, tant che letôr singul o tant che grup di letôrs, sedi par telefon, scomençant di miercus ai 2 di Fevrâr, clamant il numar 0432/555979 dal lunis al vinars des 10.00 aes 13.00 e des 17.00 aes 20.00, o pûr scrivint ae direzion bibie@regione.fvg.it.