venerdì 25 dicembre 2009


Biele la icone che tu al à metût Christian... nus le à pene spiegade don Plinio a Codroip cul vanzeli di Luca su la nassite dal Signôr... e o vin capît trop ignorants che o sin e tropis robis che o sintìn cence capî un dret, plenis di veretâts ancje inte nestre vite.
In cheste icone e je contade dute la nativitât cu la Madone e il Spirt Sant (ros sot di je), i agnui e i pastôrs, San Jusef cul tentadôr che i fâs vignî i dubits su Marie, cui Re Magjos, cu lis comaris (che nô no vin, ma i ortodos sì, gjavâts dai apocrifs), cul bo e il mus (si ju cjate in Isaia) e Jesus fat sù intes fassis come cuant che al murarà e poiât intune tombe di piere - grepie parcè che al è dât di mangjâ a ducj.
L'autôr de icone al è Andrej Rublëv.
Su chest pitôr rus al è stât fat un film di Andrej Tarkovskij. Il film al è in blan e neri cun finâl a colôrs.

martedì 22 dicembre 2009

Tina Modotti

Si podarès fâ un discors a scuele su
Tina Modotti
sielzint chi e taponant cualchi foto
o chi

sabato 19 dicembre 2009

PoLITICS IN ACUADRI

Insome, ce barufis! E a drete e a çampe e intal mieç e se un al à reson, a chel altri no i va ben . E jù bocjatis, e peraulatis, parfin pachis!
Al è un mût sigûr par che si vuelin ducj ben: la propueste di aumentâ la lôr paie... a saressin in acuardi di sigûr!

mercoledì 9 dicembre 2009

Glemone:îr, vuei e doman

Ancje chest an a Glemone a vevin inmaneât il concors "Glemone: îr, vuei e doman" e noaltris dal Circul didatic di Codroip o vin puartât cjase plui premis che o podevin!!!

La tierce sezion dal concors e premie lavôrs dedicâts ai fruts de scuele elementâr, de infanzie o mezane (contis)

Il tierç premi dal valôr di 100 euros
al è stât dât al lavôr "Jo e il mont ator di me" presentât de scuele de infanzie di Rivolt cu la mestre Maristella Prenassi,
cu la motivazion: un progjet simpatic e gaiôs.

Il secont premi dal valôr di 200 euros
al è stât assegnât al lavôr "La ruie e la pavee" presentât de scuele de infanzie Circonvalazion Sud di Codroip" cu la mestre Patrizia Pizzolongo,
cu la motivazion: par mieç di une storiute e puarte i fruts a cjapa sù la voie di imparâ miôr la lenghe.

La seconde sezion e premie un lavôr di singui o di grops che al rivuardi la didatiche dal insegnament in lenghe furlane.

Il secont premi dal valôr di 300 euros
al ven dât a "Grignei di scuele" presentât de scuele primarie Candotti di Codroip cu la mestre Lorella Moretti,
cu la motivazion: gjornalut scolastic realizât cun bravure e snait.

Chês altris scuelis vincidoris a son stadis:
le scuele de infanzie di Montenârs cul prin premi de tierce sezion;
la scuele primarie di Timau-Cleulis di Paluce cul prin premi pe seconde sezion;
il sior Stefano Gasti di Remanzâs, tierç premi tant preseât ma no dal dut adat a fruts piçui simpri pe seconde sezion.

La prime sezion al prremiave poesiis di zovins autôrs.
A àn vinçût:
prin premi: Stefania Elia di Glemone;
secont premi: Alessio Venier di Glemone;
tierç premi: Guido Salata di Firenze.

Noaltris o ringraziin l'organizadôr Toni Costantini, il sindic Paolo Urbani e ducj chei che cul lôr lavôr a permetin di realizâ chest concors che nus dâ la pussibilitât di mostrâ e condividi cun altris il nestri lavôr di mestris e di frutis e fruts.

sabato 28 novembre 2009

Scuele inta ospedâl

A son fruts ator di nô che si inmalin di malatiis teribilis che no ur permetin di fâ une vite come ducj chei altris. Sperant che la midisine e funzioni e che a puedin vuarî, a puedin distes lâ indenant cui lôr studis...
lei chi
"Il servizio Scuola in Ospedale valorizza in pieno il ruolo delle tecnologie e della comunicazione multimediale per garantire, al massimo livello, il diritto allo studio dell'alunno in ospedale, in day-hospital o in terapia domiciliare, nell'ottica di una presa in carico globale dell'alunno malato sia dal punto di vista sanitario che scolastico."

mercoledì 25 novembre 2009

Jude

“Jude”, tradutôr
automatic dal talian al furlan,
al sarà presentât
martars al 1 di
Dicembar dal 2009 aes 18.00 li de
Fondazion CRUP in v. Manin 15 a Udin,.

GNOGNOSAURS

La presentazion dal libri di Dree e sarà
vinars ai 27 di Novembar al Caffe Letterario di place de Motta a 6 sot sere
o
sabide ai 28 di Novembar inte librerie Ribis di Udin a 5 sot sere.

giovedì 19 novembre 2009

Gnognosaurs

Mi rive cheste mail:

Une gnove scuvierte e à lassâts scaturîts i furlans: a dispiet di ducj i libris di storie, i dinosaurs no son estints. Secont dai nestris sienziâts, une strambe specie, mai studiade fin cumò dai paleontolics, e sarès pronte par invadi lis librariis dal Friûl: i Gnognosaurs!
Dal prin di Dicembar, lis creaturis plui gnognis dal Jurassic a deventin un libri cuntune racuelte des lôr miôr storiis. Intant che o spietait l'invasion, però, o podeit scomençâ a cjapâ informazions sul gnûf blog dai Gnognosaurs:
http://gnognosaurs.blogspot.com/

O soi verementri contente di cheste novitât che o ai cjatât in pueste parcè che o ai tacât a lei i gnognos cui fruts a scuele e ur plasin verementri tant... lets insieme sul schermi grant cu lis vôs fatis par ognidun a son verementri une mane dal cîl. Si lei, si cîr di intindi ce che e conte le strisse, si rît. Al è cussì che si fâs furlan!!! Graziis DREE!!!

martedì 11 agosto 2009

Bando

Friulano, sloveno e tedesco a scuola. In rete il Bando per il finanziamento regionale alle istituzioni scolastiche. Scadenza per la presentazione delle domande il 18 settembre 2009.

Viôt chi

Il progjet al pues jessi fat ancje in rêt.

martedì 16 giugno 2009

...e duncje?

Ce cambiaraial inte scuele?
Nuie! Al restarà dut compagn.
Par fûr no saran in tancj a visâsi dal cambiament.
Tant al cambiarà par chei che no varan i mieçs par cirî jutori se il lôr frut al fâs un pocje di fature, o se al à cualchi dificoltât cul compuartament. E, in fin dai conts, no son migo tancj. Che si rangjin!

Ma pussibil che la storie e sedi simpri chê? Che no si rivi a fâ un salt di civiltât?

Alore, intal nestri circul i oraris a saran i stes par ducj i fruts de prime ae cuinte: 33 oris o 40 seont il model di scuele a timp sprolungjât o plen. Ma cussì a calaran lis oris di compresince che a saran di une ore o dôs seont il model di scuele. Al ven a stâi che no si fasaran plui laboratoris par recuperâ situazions di fature. E, sicome che il timp plen al à une grave soference, parcè che i fruts a stan a scuele 40 oris e bisugne daur la pussibilitât ancje di lavorâ par laboratoris, la psicopedagogjiste e riscje di saltâ. Cheste figure e lavore intal nestri circul di tancj agns. E je une mestre laureade distacade dal insegnament. Le vin volude parcè che e je impuartantone intal moment che si presente un problem cuntun frut: e viôt di chest frut, e dâ consulence ae mestre e ai gjenitôrs, e ten i rapuarts cui ents. Cence di je che e fâs di mediatôr, al è plui dificil valutâ une problematiche e fâle capî ai gjenitôrs e duncje judâ il frut...

O sin chi che si tirin sù la manie, ma a fuarce di tirâle sù, si viodin ducj i pei sot dai braçs e si sint ancje la puce. Sperìn che e rivi fin a Rome!

sabato 23 maggio 2009

Cors

Cors di furlan on line.

SENTENCE

SENTENZA N. 159

ANNO 2009

REPUBBLICA ITALIANA

IN NOME DEL POPOLO ITALIANO

LA CORTE COSTITUZIONALE
...
1.5. – La parte ricorrente impugna anche l'art. 14, commi 2 e 3, della legge regionale n. 29 del 2007, nelle parti in cui dispone che l'insegnamento della lingua friulana sia garantito per almeno un'ora alla settimana per la durata dell'anno scolastico (comma 2) e che nella programmazione dell'insegnamento della lingua friulana siano comprese le modalità didattiche che assumono come modello di riferimento il metodo basato sull'apprendimento veicolare integrato delle lingue (comma 3), in quanto, contrastando con i principi dell'autonomia scolastica, violerebbe l'art. 117, terzo comma, Cost., che esclude dalla competenza concorrente regionale «l'autonomia delle istituzioni scolastiche». Violazione che, a giudizio del Presidente del Consiglio, si verifica anche se, rispetto a quanto prevede l'art. 6, n. 1, dello statuto della Regione Friuli-Venezia Giulia, che attribuisce solo una competenza integrativa in materia di istruzione, si applica il disposto dell'art. 10 della legge costituzionale n. 3 del 2001, a favore delle Regioni a statuto speciale e delle Province autonome, per le parti in cui la revisione del titolo V della parte seconda della Costituzione prevede forme più ampie di autonomia.

La norma citata, infatti, imporrebbe alle istituzioni scolastiche tempi e modi di insegnamento, ponendosi in tal modo in contrasto con i principi dell'autonomia organizzativa e didattica delle istituzioni scolastiche di cui all'art. 21, commi 8 e 9, della legge n. 59 del 1997 e con quanto disposto dall'art. 4 della legge n. 482 del 1999, che, nel prevedere l'insegnamento della lingua minoritaria nei Comuni di insediamento della minoranza, rinvia a tali principi circa i tempi e le metodologie di svolgimento dell'insegnamento. In particolare – aggiunge la difesa erariale – il comma 3 dell'art. 14 presenterebbe «evidenti criticità, posto che la sua finalità consiste nel voler imprimere alla lingua friulana il carattere di “lingua veicolare”».


Art. 4 della legge n. 482 del 1999

1. Nelle scuole materne dei comuni di cui all'articolo 3, l'educazione linguistica prevede, accanto all'uso della lingua italiana, anche l'uso della lingua della minoranza per lo svolgimento delle attività educative. Nelle scuole elementari e nelle scuole secondarie di primo grado é previsto l'uso anche della lingua della minoranza come strumento di insegnamento. (cheste no si clamie "lingua veicolare?")
2. Le istituzioni scolastiche elementari e secondarie di primo grado, in conformità a quanto previsto dall'articolo 3, comma 1, della presente legge, nell'esercizio dell'autonomia organizzativa e didattica di cui all'articolo 21, commi 8 e 9, della legge 15 marzo 1997, n. 59, nei limiti dell'orario curriculare complessivo definito a livello nazionale e nel rispetto dei complessivi obblighi di servizio dei docenti previsti dai contratti collettivi, al fine di assicurare l'apprendimento della lingua della minoranza, deliberano, anche sulla base delle richieste dei genitori degli alunni, le modalità di svolgimento delle attività di insegnamento della lingua e delle tradizioni culturali delle comunità locali, stabilendone i tempi e le metodologie, nonché stabilendo i criteri di valutazione degli alunni e le modalità di impiego di docenti qualificati.
3. Le medesime istituzioni scolastiche di cui al comma 2, ai sensi dell'articolo 21, comma 10, della legge 15 marzo 1997, n. 59, sia singolarmente sia in forma associata, possono realizzare ampliamenti dell'offerta formativa in favore degli adulti. Nell'esercizio dell'autonomia di ricerca, sperimentazione e sviluppo, di cui al citato articolo 21, comma 10, le istituzioni scolastiche adottano, anche attraverso forme associate, iniziative nel campo dello studio delle lingue e delle tradizioni culturali degli appartenenti ad una minoranza linguistica riconosciuta ai sensi degli articoli 2 e 3 della presente legge e perseguono attività di formazione e aggiornamento degli insegnanti addetti alle medesime discipline. A tale scopo le istituzioni scolastiche possono stipulare convenzioni ai sensi dell'articolo 21, comma 12, della citata legge n. 59 del 1997.
4. Le iniziative previste dai commi 2 e 3 sono realizzate dalle medesime istituzioni scolastiche avvalendosi delle risorse umane a disposizione, della dotazione finanziaria attribuita ai sensi dell'articolo 21, comma 5, della legge 15 marzo 1997, n. 59, nonché delle risorse aggiuntive reperibili con convenzioni, prevedendo tra le priorità stabilite dal medesimo comma 5 quelle di cui alla presente legge. Nella ripartizione delle risorse di cui al citato comma 5 dell'articolo 21 della legge n. 59 del 1997, si tiene conto delle priorità aggiuntive di cui al presente comma.
5. Al momento della preiscrizione i genitori comunicano alla istituzione scolastica interessata se intendono avvalersi per i propri figli dell'insegnamento della lingua della minoranza.

E chest purtrop al è un casin, parcè che i gjenitôrs no son furlans o forescj, ma a son di chest o di chel partît politic e si schierin par politiche no par culture o par lenghe.


martedì 19 maggio 2009

Cjar blog...

... Tu sês nassût par imparâti e par scrivi par furlan,
magari ancje cu la presunzion di fâti lei un furlan scuasi coret;
Tu sês nassût cuntun non impuartant,
ma jo che ti ai creât
cuant che ti dopri
o soi masse plene di scuele,
masse stufe di scuele,
cence nissune voie di fevelâ di scuele.
E po
par doprâ a scuele o ai un altri blog
par lavorâ e.... vonde!
No sai,
cjar blog,
se tu sês il puest just par disi di paveis e di lusignis,
par fevelâ di scûr o di lusôr,
di mats o di cristians...
Dut câs, no sai se o ai voie di contâti di me.
In fin dai conts jo no ti cognòs
e in cualchi moment
tu mi sês someât ancje pericolôs.
In realtât no tu mi interessis
plui di tant.
Al è stât biel sta cun te
par un pôc.
Forsi mi vignarà ancje voie
di vignî a cjatâti
ogni tant,
cussì...
Ma o ai tant di ce fâ
e tu tu sês l'ultin che al vedi une cualchi necessitât...

martedì 12 maggio 2009

Paveis

Usgnot o ai viodût centenârs di paveis.... mai viodudis cussì tantis intune volte sole, chi di nô. Mai viodudis cussì tantis, chi di nô, in dute la mê vite. Cun di plui a svolavin sveltis che intal imprin, no rivavi nancje a capî ce che a jerin!
Mi pararès une pavee comun, ma no ai rivât a identificâle tra chês che o ai cirût in Internet. Anzit, cumò no mi visi plui ben cemût che e jere, o ai fat confusion... Salacor e je chê chi.

lunedì 11 maggio 2009

Dieç



Al è il bugnigul dal mont, Dieç, cu la sô biele mostre sui apocrifi e la ristruturazion dai mulins cun chê aghe clare e sclete che e ven sù in grande cuantitât dal nuie.
Compliments ai cjargnei di Dieç che a dan la juste impuartance e visibilitât al lôr paîs!



Imagjinis di dôs oparis de mostre:
Riposo nella fuga in Egitto - Caravaggio
Cristo risuscitato appare alla Vergine - Guercino

O ai sieltis chestis parcè che i protagoniscj a àn i cjavei ros come mê fie!

sabato 2 maggio 2009

La mate

O cognòs une mate. Mate mate, spanade fuart di cuarante agns in ca, almancul. A 'nd à sessante (par me e jere spanade ancje prime...).
No i plâs la campagne, no sopuarte i paîs, no pues viodi la int di paîs che e je dute contadine "no pal lavôr che a fasin", volgâr e pôc fine. A je i plâs la citât, la int fine che e à cognossût cuant che e à lavorât a Padue, a Cortina. Si è cjatade ben a Udin, a Lignan. Jê no jere usade cussì (a son passâts trente agns!)
Dome che a vîf intun paisut dongje Codroip intun apartament che no si viôt mai il soreli. E, ossession continue, no fâs altri che lamentâsi. Il probleme al è che par puartâle in citât si passe pai paîs e, nol è nuie di fâ, jê si lamente.
Ti ven di dîsi "copiti, se no ti va ben nuie!". Ma jê no à voie di murî. Bon, alore o le copi jo, o pûr a provi a cirî di capîle... Dure.
Jo o adori intai paîs chês bielis cjasis di clap di une volte.... ma di sigûr un che al jere a stâ dentri une volte magari nol jere content: frêt, scûr e... jo no sai che no jeri.
Mi plasin di murî lis stradutis stretis cui puartons di ca e di là che a tu viodis dentri dut un altri mont, invisibil se il puarton al è sierât... ma di sigûr une volte nol devi jessi stât tant biel di cjaminâ di gnot cence lampions... lis brutis robis a capitavin ancje une volte.
La int. La int si zire se tu rivis e no ti cognòs e se ti cognòs ti cjale distès. Ti scuadre e intun lamp tu viodis scrit il coment su la muse... Se jo no cognòs no mi interesse, tant ca di doi seconts nancje no mi visi plui di chês personis li. Se o cognòs: fastidi, sì, fastidi. Ma tant ancje che al passi un pôc di timp cun chest ricuart, nol dure a lunc, cun dutis lis robis di ogni dì. E alore, chissene.
Jê no! A jê no i plâs la int di paîs.
E pûr no à tuart. A viôt profont, la mê mate! A lei intai voi di chei altris cuant che le cjalin e a pensin che e je spostade (parcè che a cjalâle intai voi, si viôt) e a ridin sot des mostacjis a viodile jê piçulute e taronde dongje di me, lungje e ni grasse ni secje, ma lungje. In citât, cun dute la int strane che e zire, nissun al fasarès câs, e duncje forsi la int di citât e podarès sameâ plui zintile... Ma!? A mi mi pâr che nus scuadrin ancje in citât...
A mi mi plâs la campagne cui mierlis che a cjantin matine e sere,
cul soreli che al jeve daur dai morârs e al va a mont che tu viodis che il mont al zire di corse,
cun chês bielis stradelis intal mieç dai cjamps che a stralusin di rosade a matine.
E mi plâs cjaminâ e respirâ l'aiarin fresc ancje se a rivin bugadis di cuninarie tirade sù a mangjime...

Dopo ducj chescj resonaments,
considerant che no je in parintât cun me,
che no je mê amie,
che o fâs une fature di bestie a sopuartâle,
che però o voi a cjatâle une volte par setemane e i rispuint cun calme ogni volte che e telefone (fortune che no soi mai a cjase...!),
che ogni volte mi tiri vie i miei ocjâi e o provi a cjalâ lis robis cui soi voi e mi pâr simpri che e vedi ancje la sô buine part di reson,
che e je une gjate che si muart le code e a sarà cussì par simpri considerât che a son 40 agns che le curin e no si viodin risultâts...

mi nas une piçule domande e no sai se o ai voie di rispuindi...
cuissà se e je jê la mate...?

Seconde part.
Cheste chi e je cussì mate ahe a van a cjolile par menâle ae Universitât de tierce etât, par menâle a fâ spese e al è parfin un zovin student di psicologjie che le mene une volte par setemane a Udin...
e i mandin parfin une siorute (di paîs, volgâr, che no i plâs par nuie!) a cambiâi i linçui intal jet...

Rispueste ae domande:
la mate o soi jo,
ma o crôt che tu sedis mat ancje tu che tu leis e chest mi console.
Maman!

giovedì 30 aprile 2009

Il flum

Mi puartarès a cjase
un toc di flum
pal so rumôr
limpi...
Ma no sai dulà metilu...

martedì 28 aprile 2009

Sere

Al è dut un cra cra...
La stradele di ca e di là
di vert fresc e di colôr
profont di tiere
e prime un gri
e dopo un altri...
I arbui ...verts
scûrs neris...
Une lusigne, une sole ancjemò,
e impie il bosc.
O torni

domenica 26 aprile 2009

Grignei di scuele - il gjornalut de scuele G.B.Candotti

Ringraziant il Signôr, al è praticamentri finît ancje il gjornalut di chest an.
Controi e corezion doman. E dopo in tipografie...
Ancje il gjornalut dal an passât al è premiât al concors dal Ordin dai gjornaliscj.

lunedì 20 aprile 2009

Cjistiei




Biele la iniziative di vierzi i cjistiei che a àn simpri un alc di magjic e fantastic inte fantasie.
Inte realtât nus puartin a dâ un cuc a un passât
particolarmentri scomut!
E ancje cumò li dentri al è ce lavorâ!

Chi i cjistiei di Darcjan (biei ancje i morârs), Vilalte (chi sot) e Duin (che o ai viodût intune altre zornade di ploie - uf! - cualchi setemane fa).

sabato 18 aprile 2009

Interviste

La Ninine mi à fat une interviste che e je publicade su la Patrie dal Friûl dal numar dal mês di Març, cumò ancje sul web.

venerdì 17 aprile 2009

Lavagne

No ai mai fat esperience di lavagne digjitâl.
O lavori in laboratori e forsi par chest no ai vude bisugne e no mi soi interessade cuissà ce a cheste esperience.

domenica 12 aprile 2009

Buine Pasche!

Al è resurît! ROBIS DI MATS! DI NO CRODI!
Al è resurît!
Ben bon, un Diu al podeve fâlu! Ce isal di strani?
Ma un Creatôr che al decît di fâsi creature (robononis!) e di fâsi copâ tra mîl torments, no isal fûr di ogni logjiche?
No l'om nol podeve concepî une idee strambe dal gjenar.
Al devi jessi stât alc altri...
Che e sedi vere?
Che al sedi vignût jù di là sù? A fâsi copâ tant che un delincuent? Tant che un sclâf? Che al sedi vignût jù par servînus?
Ce ideis!
Un creatôr che si fâs servidôr de sô creature!
No, no pues jessi une idee umane.
Nô un creatôr lu vevin simpri pensât fuart come un taur, come un sarpint, come un soreli... potent, cui muscui.
E chel chi?
Debil, umil, servidôr, l'ultin tra i ultins.

Bon, al à fat i soi meracui, ma no son chei che lu fasin diferent.
E po al à une grande considerazion de femine. Figuriti: al dâ a lis feminis il podê di testemoneâ la sô resurezion! A LIS FEMINIS... 2000 agns fa!
No, no je une idee umane. Nissun di nô nol darès di testemoneâ inte sô cause a cualchidun che non vâl nuie.

Par chest vuê o fâs fieste, fieste grande fûr cui miei, e dentri di me... une grande, grandonone fieste pal gno Signôr che al à vint par simpri la muart e al è vîf, vîf, vîf !

sabato 21 marzo 2009

PIMPA

Come che al è stât segnalât intal blog Caratars Distintîfs, nossere o soi lade a Coder a viodi la presentazion de Pimpa.
E je propite biele la Pimpa,

cumò ancje par furlan sui libris e tant che carton animât. Pecjât che intal carton al sedi cualchi italianisim... da rest o disìn ducj "Pronti, via!" Dut câs mi sarès plasude di plui une version furlane furlane parcè che i fruts piçui a imparin dut ce che si ur passe. Stîl imprinting.
O soi distès contente parcè che la perfezion e je inutile sul nuie
e ancje sul pôc (che nol è plui propite pôc, ma nol è ancjemò avonde).
O deventarìn perfezioniscj cuant che o sarìn in tancj a fevelâ, a lei, a scrivi par furlan.

L'ocasion e je stade fortunade parcè che o ai cognossût dal vîf Christian Romanini
che al è simpri disponibil ae colaborazion cu la scuele
e jo lu ringrazi di cûr!

lunedì 9 marzo 2009

Leç

Cuant che si va cu la machine sot sere
il soreli bas al incee.

No sai parcè che in Italie
cun tantis leçs che a fasin
no pensin di fantin une
par tignî sù il soreli...

mercoledì 4 marzo 2009

Sîts interessants...

...segnalâts dal mestri Alberto:
la Bibie
la evoluzion

Cinise

Ten a ments om che tu sês polvar...
Ma, alore, ce sens aie la vite?
Mi plâs tant une cjançon che e dîs che chel polvar magari al sarà sâl.
Le tachi intal coment.

Reader

Intal reader o ai 121 robis indaûr di lei.
Bon, o pensi che no lis learai.

domenica 1 marzo 2009

Violis

La prime e jere fûr chê setemane passade sot dal mûr.
Vinar a jerin intal cjamp.
Vuê, lis sint, a son pardut...
al è tant che un sgrisul lizêr sot dal timp.

giovedì 19 febbraio 2009

Cromazio

Cuntune visite organizade dal AIMC di Codroip, o soi stade a viodi "Cromazio di Aquileia" interessante mostre intal palaç dal vescul.

sabato 14 febbraio 2009

Al è adore, lu sai, ma...

Un profum
al à il butul.

giovedì 12 febbraio 2009

Si tire flât

Cumò che a son finidis lis valutazions e lis schedis, si torne a tirâ flât!
O ai cjatât cui che al fasarà i zûcs didatics par furlan.
Une frute e ven a judâmi a dutrine.
O sin dongje de vierte.

O speri che ducj a sedin plui contents cumò che lis zornadis si slungjin.

lunedì 2 febbraio 2009

Ce si aie di fâ...

par vê voie di lavorâ?
:(

domenica 1 febbraio 2009

Razis

Nol saveve di dulà che a vignivin.
Chê dì, al veve passade la zornade interie a puartâ lis cjanis di sorc,
e cuant che il caposcuadre al veve dite che e jere ore di molâ,
intant che i oms a desenis si jerin inviâts par lâ a cjase
fasint pindulâ lis lôr lungjis ombrenis,
lui al veve corût chi, par fâ lis sôs bisugnis,
e dut tun colp lis veve viodudis...
Un grant trop di razis salvadiis che al vignive jù su la isulute
lu veve instupidît.
(Mp Yan "L''uomo che allevava i gatti")

giovedì 8 gennaio 2009

Zûcs

Fantatis e fantats,
o ai une necessitât. O ai di cjatâ cualchidun che al sedi bon di fâ programazion par fâ zûcs didatics par furlan... . Se nol sa il furlan, baste che lu capissi...
Nô o vin bielzà fat zûcs didatics, ma cheste volte o vorès distribuîju sul web.

giovedì 1 gennaio 2009

2009

Us auguri a ducj un bon an.

Chest an par me al è tacât verementri ben, dopo tant timp.
Sperìn che al ledi indenant cussì!