IN STANT PIC

“IN STANT PIC”: IL FRIÛL DI MIEÇ SU RADIO ONDE FURLANE

Vinars ai 10 di Mai e scomence la seste edizion di IN STANT PIC, il spazi radiofonic bisetemanâl curât dal Progjet Integrât Culture e finanziât mediant de Leç 482/99, che ancje chest an al viôt la colaborazion dai Sportei pe lenghe furlane dal Friûl di Mieç.

 Il Progjet Integrât Culture (PIC) al nas tal 1994 par promovi la culture tal teritori, creant apontaments e manifestazions tai setôrs de art, de storie, de leterature, dal spetacul. A vuê, a son 14 i Comuns che a aderissin al PIC: Basilian, Bertiûl, Cjamin dal Tiliment, Cjasteons di Strade, Codroip, Flaiban, Lestize, Merêt di Tombe, Mortean, Rivignan, Sedean, Talmassons, Teor e Vil di Vâr, che a cjapin dentri pôc sù pôc jù 60.000 abitants.

La trasmission IN STANT PIC e larà in onde ogni cuindis dîs, a tacâ dai 10 di Mai, il vinars a buinore a lis 10.30 e in repliche la sabide a lis 12.30 su lis frecuencis di Radio Onde Furlane (90.00 mhz – in Friûl, 90.20|106.50 mhz in Cjargne). A prestâ la vôs al program a saran lis sportelistis di lenghe furlane dal Friûl di Mieç che us contaran ce che al è il PIC e us tignaran informâts su lis manifestazions che il PIC al promôf jù pal istât e fin te sierade. A sierâ lis puntadis, la rubriche "Pic di mangjâ" par scuvierzi  i savôrs, i profums e i guscj dal nestri teritori mediant lis peraulis dai scritôrs e dai artiscj dal Friûl di Mieç.

 Us invidìn a scoltâ IN STANT PIC.


Il Coordenament dai Sportei di lenghe furlane dal Friûl di Mieç
(Basilian, Cjamin dal Tiliment, Codroip, Listize, Merêt di Tombe, Sedean/Flaiban