concors di poesie

EMOZIONS DI INGJUSTRI: CONCORS DI POESIE IN LENGHE FURLANE (VI EDIZION) Il Comun di Basilian al à publicât il bant pal concors di poesie in lenghe furlane “Emozions di ingjustri”. Il teme sielt par cheste seste edizion al è “In viaç”, tal sens di desideri di movisi e di scuvierzi il mont. Al concors a son ametudis nome poesiis ineditis in lenghe furlane. Il concors al è viert a ducj i poetis e la partecipazion e je gratuite. Lis poesiis a àn di jessi consegnadis dentri dai 28 di Dicembar 2012. I premis ai prins trê classificâts a consistin in bogns par libris dal valôr di 300 euros pal prin classificât, 200 euros pal secont classificât, 100 euros pal tierç.