Pedalade

2e pedalade cicloculturâl Turoldiane "La ricostruzion dal Friûl e dal Om”, iniziative inmaneade de Aministrazion comunâl di Sedean, in ocasion dal XX° aniversari de muart di Pari David Maria Turoldo, cul patrocini de Provincie di Udin e in colaborazion cu la Associazion “Incroci culturali in Friuli”, cu la Associazion culturâl “Padre David Maria Turoldo”, cu la Pro Loco di Rivis, cu la Agjenzie dal Turisim FVG e cun di plui la adesion de Associazion Villa di Vildivar, de Associazion Primavera ’90 di Cjasarse, dal Unesco di Udin, dal Istitût Ladin Furlan “Pre Checo Placerean”. La iniziative in program par DOMENIE AI 6 DI MAI, e spostade pal brut timp, e vignarà fate DOMENIE AI 20 DI MAI: si cjatisi aes 13.30 li de cjase indulà che al è nassût Turoldo (Vie Catarine Percude, n. 7 a Coder).
Si ricuarde che la partecipazion ae iniziative e je sore nuie e no si scuen notâsi. Cun di plui, si fâs presint a ducj chei che a volin cjapâ part ae pedalade che a àn di rispietâ lis regulis dal Codiç de Strade. La organizazion, ancje se e garantìs dute la assistence pussibile vie pal percors, e decline cualsisei responsabilitât par eventuâi dams a personis e robis, prime, dilunc e daspò dal davuelziment de manifestazion. Tal câs che al sedi brut timp la pedalade ciclo-culturâl turoldiane: “La ricostruzion dal Friûl e dal Om”, e vignarà anulade.