- lis compresincis no esistin scuasit plui ni tal timp scuele (une ore cirche par setemane) ni intal timp plen (in cualchi istitût si salvisi ancjemò cun dôs trê oris, ma a son chei che no viodin une compresince) e duncje no si puedin fâ grups: dividi la classe par grups di nivel (recupar e svilup) o gjavâ fûr chei fruts che a àn cualchi dificoltât di aprendiment e/o di compuartament.
- i fruts a son ancje 25 par classe (no si rive nancje a movisi)
- al plûf simpri e si scugne fâ ricreazion intai coredôrs e no si puès cori, ni zuiâ cu la bale (se si movisi di une bande a chê altre bisugne sta une vore atents che no ti metin une manute sot dai pîts intant che tu fasis il pas...)
Il probleme, si lu sa, nol è par chei fruts che a rivin a fâ di dut o di chei che di rif o di raf a àn une famee daûr che ur stâ dongje. Il probleme al è di chei che za a partissin plui planc e che dopo no rivin a stâ daûr. A sburtâ si rive ancjemò cun progjets, cu la passion, cu la voie di fâ e di judâ. Ancje bociant, cuant che bisugne spietâ che un frut si madurissi.
Sperìn di rivâ a fâ avonde...
O sin stâts spes pessimiscj cuant che lis vacjis a jerin grassis. Cumò che a son secjis ce vìno di fâ?
Nessun commento:
Posta un commento